Tratábase dun conto a partir de tres textos de Manuel María: as obras de teatro Barriga Verde, para monicreques, as Aventuras e desventuras dunha espiña de toxo chamada Berenguela e os poemas de Os Soños na Gaiola.
A trama baséase na historia de amor entre Fiz e Catuxa, dous rapaces galegos, que coa axuda de Barriga Verde, superarán todas as trabas e probas que Brouxán o leñador e o Demos lles poñan. Barriga Verde soluciona os conflitos non con violencia, senón con enxeño e maxia.
