21 DE MARZO - DÍA DA POESÍA

Bo día!! Hoxe queremos compartir con vós o realizado a semana do 21 ao 27 de marzo polo Día da Poesía e o Día da Árbore. Fágovos un pequeno resumo das actividades propostas:

• Actividades de robótica para identificar poetas/poetisas, escaneado de códigos QR, escoita de poemas e recital de poemas por parte das nenas e nenos de Educación Primaria.
• Lectura/escoita de poemas colgados nas árbores dos arredores do colexio, actividade feita en colaboración co Concello de Carballo #DíaDaPoesíaNaÁrbore e extensible a todo aquel que quixese participar.

Agora deixámosvos algúns vídeos e fotos destas propostas 😍

🎶5.º EDUCACIÓN INFANTIL

🎶6.º EDUCACIÓN INFANTIL

🎶1.º EDUCACIÓN PRIMARIA

🎶2.º EDUCACIÓN PRIMARIA

🎶5.º EDUCACIÓN PRIMARIA

Moitas grazas pola vosa participación,

QUERES PARTICIPAR NO #DÍADAPOESÍANAÁRBORE?

Benvidos un día máis lectoras e lectores!! Como sabedes, o luns 21 de marzo celébrase o DÍA DA POESÍA e o DÍA DA ÁRBORE. Con este motivo, queremos convidarvos a participar nunha actividade que realizamos en colaboración co Concello de Carballo.

Lede con atención o seguinte cartel para saber un pouco máis. Seguro que xa o vistes nalgún establecemento do noso barrio 😍

Agardamos as vosas fotos do #DíaDaPoesíaNaÁrbore 🌲🌳🍃

Moitas grazas por participar,

RECITAL DE POEMAS DE XELA ARIAS

O pasado 21 de marzo celebrouse o Día da Poesía. É por isto que fixemos unha selección de poemas de Xela Arias para que cada aula recitase un. Queredes ver que ben o fixeron os nosos raparigos e raparigas? 😍😍

ALUMNADO 6.º B EDUCACIÓN PRIMARIA

ALUMNADO 6.º A EDUCACIÓN PRIMARIA

ALUMNADO 5.º EDUCACIÓN PRIMARIA

ALUMNADO 4.º EDUCACIÓN PRIMARIA

ALUMNADO 3.º EDUCACIÓN PRIMARIA

ALUMNADO 2.º EDUCACIÓN PRIMARIA

ALUMNADO 1.º EDUCACIÓN PRIMARIA

ALUMNADO 6.º EDUCACIÓN INFANTIL

ALUMNADO 5.º EDUCACIÓN INFANTIL

ALUMNADO 4.º EDUCACIÓN INFANTIL

Moitos parabéns a todos e a todas!! Moitas grazas por participar 👏👏

Un afectuoso saúdo,

21 MARZO: DÍA DA POESÍA

O próximo 21 de marzo celébrase o Día da Poesía. Para conmemoralo estamos a preparar uns poemas de Xela Arias. Sabedes quen é? Velaquí vos deixo algúns datos.

Ademais, na entrada do colexio temos unha exposición de libros de poesía.

Continuamos traballando sobre os poemas. Pronto gravaremos un vídeo recitando os escollidos.

Un saúdo,

EL RELOJ

Estes días o alumnado de 5 anos estivo coñecendo a cidade de Londres e gustoulle moito coñecer o Big Ben e o seu reloxo. Despois de debuxar o Big Ben e de facer un reloxo para levar para as súas casas decidiron recitar un poema do libro "Versos del tiempo" titulado "El reloj" e fixérono moi ben, escoitade, escoitade...👂

Parabéns peques de 5 anos!! 

Un saúdo

MI CARA

O alumnado de 4.º de Educación Infantil quere compartir connosco, neste xoves poético, o seu traballiño sobre o poema "Mi cara" de Gloria Fuertes 👀👄😀

Moitas grazas pola vosa aportación!! Quedáronvos unhas imaxes ben bonitas 😍

Un saúdo,

COMO SE DIBUJA UN GATO!

Este xoves o alumnado de 5 anos contou cunha colaboradora moi especial para ler o poema de Gloria Fuertes: "Como se dibuja un gato".  Queredes saber quen é?

Elisa, a  avoa de Paula, unha das mestras que imparte clase en 6º de Educación Infantil!!! Paula contoulles aos nenos e nenas que á súa avoa de 80 anos lle gustaba moito ler e facer exercicios de lóxica, entón non dubidaron en pedirlle a súa colaboración. É toda unha honra poder escoitar a Elisa, agardamos que poida deleitarnos con máis lecturas coma esta!!

Parabéns Elisa!! Fixéchelo xenial!!! Moitas grazas por agasallar a todo o colexio coa túa lectura!!! Unha apreta moi forte de tod@s!!!

UNS VERSOS DE MANUEL MARÍA

Hoxe o alumnado de 5 anos, quíxonos agasallar co recitado dun bonito poema de Manuel María titulado "O arco da vella" 🌈 Agardo que o desfrutedes un montón!!👀👂

Un saúdo,

XOVES POÉTICO!!

Como xa sabedes os xoves de cada semana ao voso pequeno trasno gústalle escoitar un pequeno poema, o último xoves, 29 de outubro, escoitei polo colexio un poema escrito polo meu amigo Federico García Lorca na voz duns picariños de 5 anos. Escoitade, escoitade con atención 👂👂

 

O AR E O BICO

Bo xoves lectores e lectoras!! Que tal se hoxe lemos un poema? Velaquí tedes un titulado "O ar e o bico". Podedes atopalo no libro O libro dos bicos. Imos aló coa súa lectura.

O AR E O BICO

O ar
debuxa un corazón,
con flocos de cores.



O ar
recita un verso
con letras de gollas
no uni(verso).


Bico aireado
de melindre de mel.
Ata mañá.
Durme ben.



Bico mol
De ceo e limón.
Bos días.
Érguete sol.
                                      

Animádevos a recitar o poema e enviarme algún vídeo, anda!! Estarei encantado de velo 😍 e publicareino no blog 😀

Un bico aireado,
Fidalgo.