APADRIÑAMENTOS LECTORES DE SAMAGOSTO

Esta semana a biblioteca da escola énchese de misterio, maxia e historias arrepiantes! 👻 En colaboración co Equipo de Dinamización da Lingua Galega, elixíronse libros para facer apadriñamentos lectores do Samagosto durante a Hora de Ler. As nenas e nenos maiores compartirán cos máis pequenos contos cheos de bruxas, criaturas misteriosas e aventuras sorprendentes 👺💀 Coa biblioteca ambientada, preparámonos para escoitar, imaxinar e deixarnos levar pola maxia das palabras 🎃

Asi que agora... Silencio! As historias espertan esta noite 🌙✨

Aquí vos deixamos unha pequena mostra dos contacontos realizados durante a semana do Samaín. Estiveron de medo 😈😈 

CONTACONTOS TERRORÍFICO

COMEZAMOS O CAMIÑO!

Algo máxico está a piques de comezar na nosa biblioteca! Fidalgo, a nosa mascota, deixou nas nosas aulas unha carta moi especial 💌e convidounos a percorrer o Camiño de Santiago dun xeito diferente, seguindo as pegadas dos libros e a luz das perseidas💫

Comezamos así o Proxecto Documental Integrado (PDI) titulado "O camiño das estrelas" co que investigaremos, formularemos preguntas, buscaremos pistas e aprenderemos a seleccionar, comprender e contrastar información para descubrir os segredos do Camiño. Descubriremos lendas agochadas, lugares sorprendentes, tradicións cheas de maxia e historias que nos farán viaxar a lugares fermosos. Cada libro, cada aventura e cada conmemoración será unha lembranza deste percorrido compartido 💚 

O primeiro paso xa está dado... quen se apunta a investigar e camiñar con nós? 🥾🥾

LIBROS EN CAMIÑO

Desde a Bibliosanluís puxemos en marcha a actividade "Libros en camiño" grazas ás familias que quixeron compartir con nós libros que merecían unha segunda oportunidade. Distribuíronse por ciclos e as nenas e nenos tiveron a oportunidade de elixir aqueles que desexaban incorporar ás súas bibliotecas de aula para seguir compartindo novas aventuras, historias e descubrimentos 📖

Así, estes libros comezaron o camiño á procura de novos lectores/as. Porque os libros cando se comparten, multiplican a súa maxia! 🌟💫

O OUTONO E O SAMAÍN CHEGAN Á BIBLIOTECA

Coa chegada do outono 🌰e a celebración do Samaín 🎃👻, a biblioteca escolar convértese nun espazo cheo de misterio, historias arrepiantes e lecturas para gozar desta época do ano. Preparamos unha exposición de libros na que podedes atopar contos de medo, lendas, historias de meigas e seres fantásticos, así como lecturas que nos achegan ás cores, aos cambios e á maxia do outono 🍂🐌

Convidámosvos a achegarvos á exposición, descubrir os títulos seleccionados e deixarvos sorprender polas historias que agochan as súas páxinas 📙 Unha oportunidade para compartir lecturas, espertar a curiosidade e celebrar esta estación tamén a través dos libros, porque na biblioteca o outono trae follas e o Samaín moitas historias que poñen os pelos de punta! 👺💀

GUÍA PARA O PRÉSTAMO DE LIBROS EN MEIGA

Para facilitar o funcionamento da nosa biblioteca escolar e o labor diario do profesorado, elaboramos un documento explicativo sobre como realizar o préstamo e a devolución de libros a través da plataforma Meiga. Nel, recóllense de xeito sinxelo e práctico, os pasos a seguir.

Unha biblioteca viva é unha biblioteca compartida, na que todos e todas sumamos para fomentar a lectura na nosa comunidade educativa 📖💚

A BIBLIOTECA ABRE NOS RECREOS

Atención, atención! Temos unha noticia!

As voces das nosas nenas e nenos xa o anunciaron hoxe pola megafonía e agora tamén volo contamos por aquí: a biblioteca está aberta nos recreos! 🚪

Dende hoxe, os recreos tamén son un momento para viaxar sen saír da escola, descubrir historias, coñecer personaxes, deixar voar a imaxinación e, por suposto, gozar dos libros 📖🌈✨

Dádelle ao play ▶️ e escoitade o anuncio que prepararon os nosos pequenos/as grandes locutores/as.

A biblioteca agarda por vós! 💚

COMEZAMOS UN NOVO CAMIÑO

 

PDI ANUAL "SAN LUÍS INFORMA" OBXECTIVO 15 ODS: VIDA DE ECOSISTEMAS TERRESTRES

 Para este último trimestre, Fidalgo propúxonos que investiguemos sobre o obxectivo 15 da ODS: ViDA DE ECOSISTEMAS TERRESTRES. Para iso, repartiu libros sobre a temáticas entre as diferentes clases.

O Obxectivo 15 pretende conservar a vida de ecosistemas terrestres. Busca protexer e restablecer os ecosistemas terrestres, xestionar de xeito sustentable os bosques, loitar contra a desertificación, deter e invertir a degradación das terras, e deter a pérdida de biodiversidade.

Os ecosistemas terrestres son vitais para soster a vida humana, pero o  mundo enfréntase a unha triple crise: o cambio climático, a contaminación a a perda de  biodiversidade.

Ao igual que nos anteriores trimestre repartimos as distintas áreas de investigación entre os distintos ciclos:

EI: O perigo do lume no bosque- A contaminación dos bosques- O hábitat e os alimentos.

1º ciclo de EP: Os beneficios dos bosques e das árbores.

2º ciclo de EP: Os ecosistemas e os animais en perigo de extinción.

3º ciclo de EP: Cambio climático: a desforestación e a pérdida de biodiversidade.

     

ecosistemas terrestres e animais en perigo de extinción de CEIP XESÚS SAN LUÍS ROMERO

RECOMENDACIÓN LECTORA

 

Queremos recomendarvos dende o noso club de lectura (Dragóns Lectores) o libro de Érica Esmorís: Esta é a miña historia e terás que crela.

Pulsando na imaxe do libro escoitaredes un podcast para coñecer un pouco máis do libro e para animarvos a que vos entren as ganas de lelo!

XA TEMOS RADIO NO NOSO CENTRO!!!

Durante este curso instalamos unha radio no noso centro escolar grazas á dotación de materiais de Polos creativos e as mestras do centro estivemos formándonos para aprender a usala. 

Ao longo destas últimas semanas por fin puidemos gravar co alumnado.

Foi unha experiencia fantástica que queremos compartir con todos vós.

Pinchando nas fotos que aparecen a continuación poderedes escoitar os nosos podcasts.

Alumnado de 4º de educación infantil: QUE FAREMOS NAS VACACIÓNS?

Alumnado de 1º de educación primaria: COÑECE MÁIS SOBRE ROSALÍA DE CASTRO.

Alumnado de 4º de educación primaria: QUE SON AS ENFERMIDADES TROPICAIS DESATENDIDAS.

Alumnado de 6º de educación primaria: DESPEDIDA.

https://drive.google.com/file/d/1zC8JiVkRuN_9aABoYODd1FUvHiGgjLLD/view?usp=drive_link

TRABALLO POR PROXECTOS AO LONGO DO CURSO

 Ao longo do curso, o profesorado aproveitou os recursos que lle brinda a biblioteca para levar a cabo proxectos de investigación co seu alumnado. 

A continuación queremos compartir con vós algunhas das actividades que realizaron.

Parabéns a todos e todas polo voso traballo!!!!!

                      

INTERCAMBIO DE CARTAS ENTRE CENTROS

 Durante este curso o alumnado de 3º e 4º de educación primaria intercambiaron cartas co alumnado de 3º de educación primaria do CEIP Wenceslao Fernández Flores.

Comezaron no mes de decembro mandándose postais para felicitarse as festas e seguiron ao longo do curso.

É unha actividade fantástica para mellorar a súa expresión escrita á par que coñezan novos compañeiros doutro centro.

INTERCAMBIO DE CARTAS de CEIP XESÚS SAN LUÍS ROMERO

SALÓN DO LIBRO

Con motivo da celebración da Semana do Libro, o concello de Carballo, como cada ano invita aos distintos centros a participar nunha exposición conxunta na biblioteca Rego da Balsa. 

Esta ano a temática era a música e tradición. Nós decidimos participar inspirándonos nos poemas e recitados populares recollidos no libro "Eu ben vin, virivín"  de Manuel Rico Verea.

O noso alumnado aprendeu diferentes cancións e gravou a súa recitación.

Na exposición podíase ter acceso a elas a través de códigos QR que estaban dispostos sobre un "banco libro". 

Deixámosvos cunhas fotos da exposición e os códigos QR para que escoitedes e, esperemos, aprendades estes recitados da nosa cultura.

    

                                                                

Qr Salón Do Libro

Durante a semana do libro de Carballo, o concello ofertou aos cursos de de 6ºEI, 1ºEP, 3ºEP e 5ºEP varias actividades como son asistencia a obras de teatro, visita á exposición do salón do libro e un taller de imprenta.

   

PREMIO DE TRABALLO POR PROXECTOS

 O noso centro está de en hora boa porque foi premiado no XI Concurso de Traballo por Proxectos coordinados ou co apoio da biblioteca escolar.

É un proxecto conxunto titulado "Non sempre se pace onde se nace"; levado a cabo entre  a aula de 5º de EI do noso centro e a aula de 4º de EP do CEIP Canosa-Rus. Resultaron gañadores na categoría intercentros.

O fío condutor foi a historia de Maruxa e Coralia, dúas mulleres inmigrantes que chegaron de América a Galicia en busca de novas oportunidades. Se queredes saber máis, podedes ver as actividades levadas a cabo aquí.

O pasado venres 10 de abril tivemos a honra de asistir á gala de entrega de premios na Cidade da Cultura en Santiago de Compostela.

A nosa máis sincera felicitación ás dúas mestras responsables de desenvolver e levar a cabo o proxecto.

VISITA DA AUTORA MARÍA CANOSA

 O día 9 de abril tivemos a gran sorte de que nos viñera visitar a autora María Canosa para falar cos alumnos e alumnas de 2º e 3º de educación primaria sobre o seu libro "Cazadora de estrelas" que estiveron lendo este curso. Durante a visita puideron compartir con ela as impresións, opinións e preguntas sobre a obra. 

Moitísimas grazas a María Canosa por visitarnos e compartir con nós esa mañá!

PDI ANUAL "SAN LUÍS INFORMA" OBXECTIVO 16 ODS: PAZ, XUSTIZA E INSTITUCIÓNS SÓLIDAS.

 

Seguindo co noso proxecto, neste trimestre Fidalgo invitounos a descubrir o obxectivo 16 que pretende promover sociedades pacíficas e inclusivas, facilitar o acceso á xustiza para toda a poboación e crear institucións eficaces, responsables e inclusivas a todos os niveles. As personas de todo o mundo deben vivir libres do medo a cualquera forma de violencia e sentirse seguras no seu día a día, sexa cal sexa a súa orixe étnico, relixión ou orientación sexual.

Ao igual que no primeiro trimestre repartimos entre os distintos ciclos as diferentes metas que abarca o obxectivo:

EI e 1º ciclo de EP: Os dereitos dos nenos

2º ciclo: As votacións 

3º ciclo: Os refuxiados

O traballo que se levou a cabo realizouse utilizando, entre outras fontes,  libros que a biblioteca mercou para desenvolver o proxecto.

 Votacións en clase usando o carné de biblioteca:

A TÚA VOZ IMPORTA de CEIP XESÚS SAN LUÍS ROMERO