XOGA QUE TE XOGA!!!

Estes días nos que o outono, as castañas, as cabazas e o medo foron os protagonistas tamén quixemos levar aos patios algún que outro xogo, sempre por suposto respectando as zonas dos Grupos Estables de Convivencia. Aquí tedes unha pequena escolma dalgúns deles.

ATÍNALLE Á PANTASMA!!!

Cunha pequena cesta, un mantel e unha moedas pasámolo en grande no patio!!

Cada xogad@r tiña 3 moedas, desde unha distancia marcada tiñan que intentar introducir as moedas no cesto da pantasma, se o conseguían recompensábaselle con outras 2 moedas, se quedaban dentro do mantel dábaselle 1 e se caía fóra non se lle daba ningunha máis.

EQUILIBRISTAS DE CASTAÑAS!!!

Desta vez uns pratos de cartón e unhas castañas foron os protagonistas, o xogo consistía en que cada xogad@r debía levar un prato cunha castaña dentro nas costas e intentar tranportalo dunha liña a outra marcada previamente. 

TIRA A CASTAÑA!!

Outro xogo no que a castaña foi a protagonista, @s xogador@s debían lanzar unha castaña para poder introducila na boca dun famento ratiño, pasámolo en grande!!!

COIDADO CO GLOBO!!

Asegurando diversión cuns cantos globos!! Mirade, mirade...👀

Despois de inchar uns cantos globos xogamos a tres xogos diferentes:

1º. @s xogador@s non podían permitir que o globo tocáse o chan polo que tiñan que estar moi atent@s
 e darlle toquiños para mantelo suspendido no aire.

2º. desta vez o globo tiña unha pequena trampa 😈 dentro tiña unha bóla que facía imposible controlalo para poder tirar unha pequena torre de botes.

3º. Agora a dificultade residía en manter un globo entre as pernas d@s xogador@s mentres se facían cóxegas entre eles e elas, ao que lle escapase o globo ou lle rebentase quedaba eliminad@.🎈

CARREIRA DE SACOS!!!

Cuns sacos, creatividade para decoralos e con moita pericia só quedaba saltar a ver quen chegaba antes!!

TIRANDO  BOLOS!!

aproveitouse material de refugallo para tirar unha partida aos bolos, mirade 👀que chulos quedaron e que ben o pasamos!!

ASUSTANDO AO CORONAVIRUS

Este Samaín, no cole quixemos espantar ao coronavirus. É por isto que decidimos poñer caras de medo para que fuxa e deixe de estar entre nós!!

Fuxe coronavirus

e devólvenos a nosa liberdade.

As nenas e nenos do CEIP Xesús San Luís Romero

queremos aprender, xogar e vivir con máis tranquilidade.

Bo Samaín!!

CONTO COA TÚA EMOCIÓN: O MEDO

En 6.º de Educación Infantil aproveitamos estes días de Samaín para falar do medo!! Para iso analizamos en profundidade unha imaxe do pintor Gustav Courbet.

Sentados e sentadas en círculo, contemplamos en silencio e con moita atención a escena.

Despois de analizala lanzamos as seguintes preguntas para reflexionar: 

QUE ESTÁ PASANDO?

As respostas non se fixeron de rogar e comezaron a saír:

- "Ten raias na cara e está calado"

- "Ten medo, quérenlle atacar"

- "Caeu por un barranco e levou un susto"

- "Quérenlle arrincar os pelos"

- "Queríanlle arrincar os pelos e el non lle deixa"

- "Levou un susto porque case cae"

- "Queríanlle facer un experimento e quitarlle o pelo"

- "Levou un susto porque case cae por un burato e a policía quería atropellalo"

- "Intentaron cortarlle os brazos, non vedes unha mancha vermella na camisa?"

COMO PENSADES QUE ESTÁ?

A maioría contestaron que lle parecía que estaba moi asustado e a outr@s pareceulle que estaba triste. 

QUE PENSADES QUE PASOU INMEDIATAMENTE DESPOIS DE CAPTAR ESTA IMAXE?

- "Que o atraparon"

- "Súa nai cortoulle o pelo, aínda que el non quería"

- "Que o mataron cun coitelo"

- "Que o mataron os policías" 

- "Pintou sen querer co lápis nalgún sitio e chamaron á policía"

- "Un monstro intentou comelo, ou un dinosaurio"

COMO TITULARÍADES O CADRO?

- "Hugo"

- "O home cabra"

- "O home que ten medo"

- "Bruno"

- "Peluso"

- "Artística"

- "O home pantasma"

- "Vai de flores"

- "Cacito"

E VÓS ... A QUE LLE TEDES MEDO?

- Aos morcegos

- Aos monstros que viven debaixo da cama

- Aos pallasos

- Aos disfrazados

- A nada

- Aos elefantes...

PROBAMOS A POÑER A CARA COMA O PROTAGONISTA DA IMAXE??

DESPOIS QUIXÉMOLO DEBUXAR:

Estou encantado de ver como traballan estes peques, que marabilla!! Moitas grazas pola vosa aportación, parabéns!!

CONTOS E CANCIÓNS DO SAMAÍN

Amiguiños e amiguiñas... teño algo que contarvos e non sei ben como comezar 😰😰 levo uns días escoitando no cole uns sons un tanto extraños. Cada vez que saio da biblioteca para averiguar onde soan, semellan oirse para a zona da entrada do cole... Entón achégome sen facer case ruído pero, misteriosamente, deixa de escoitarse!!!!

Non sei se vós poderiades axudarme a averiguar que cancións son... Fixádevos nesta imaxe que capturei. Hai uns números misteriosos que apareceron estes días. Serán pistas para dar con eses sons que escoito?? Estou seguro de que me ides botar unha man. Moitas grazas a todos e a todas!!

Quedo máis tranquilo agora que averiguamos que son cancións do Samaín e o outono!! Que alivio tan grande 😅 Fixástesvos que na árbore da entrada do colexio hai un montón de libros sobre esta temática?? Por se vos apetece escoitar algúns deles, déixovolos en formato dixital. Gozade da súa escoita 👂👂

Bicos de cabaza 🎃 con ruídos de caveiras e pantasmas 💀👻

REAPERTURA DA BIBLIOTECA

Bo día nenos, nenas, mestres, mestras e familias!! Levo días desexando que chegue este momento. Que ilusión!! Hoxe teño unha gran noticia que contarvos 😀 Recordades que fai uns días vos dixen que estivesedes atentos a algo que ía anunciar?? Pois chegou o día 👏👏

Ultimamente, estivemos traballando moito para reformar a biblioteca e poder abrila de novo para gozar dela, da lectura de libros, a busca de información... aínda que xa sabedes que este ano temos que organizarnos doutro xeito por mor da pandemia da COVID. Hoxe é unha data sinalada para o CEIP Xesús San Luís Romero porque volvemos abrir a biblioteca logo duns cambios que ides ver a continuación. Estades preparados/as?

Antes de poñervos o vídeo, gustaríame contarvos que decidín que hoxe era un bo día para reabrir a biblio porque este sábado foi o Día das Bibliotecas. Como seguro estades ansiosos por ver os cambios, déixovos o vídeo:

Que vos pareceu?? Moi fermosa verdade? A min encántame 😍 Agora teño unha mensaxe máis para vós. Mirade e escoitade este vídeo 👀

Velaquí están todas as caixas preparadas. No seu interior hai unhas chapas de agasallo para vós 😊

Un saúdo! Agardo que a biblioteca e os contos estean moi presentes na vosa vida.

DÍA DAS BIBLIOTECAS

Hoxe, 24 de outubro, celébrase o DÍA DAS BIBLIOTECAS. Feliz día lectoras e lectores da Bibliosanluís!!

Boa fin de semana,

Fidalgo.

MATERIAS SOBRE O SAMAÍN

Ba tarde!! Como estades lectores e lectoras? No colexio xa temos decorada a entrada con motivos do Samaín e o outono. Queredes vela? 👀 Aí vai unha foto 📷

Agora déixovos unhas propostas para traballar en Educación Infantil e Primaria e que foron elaboradas polos Equipos de Dinamización da Lingua Galega.

Un saúdo,

Fidalgo.

A ORIXE DO SAMAÍN

Bo día!! No colexio xa estamos mans á obra coa preparación da festa do Samaín 💀👻🎃 Este curso vai ser unha celebración atípica pero non por iso menos especial. Arrincamos cun pouco de información sobre a orixe desta festividade.

Estade atentos que seguirei publicando cousiñas sobre a temática!! E recordade LER SEN MEDO 📚 

Un saúdo terrorífico,

Fidalgo.

PROTOCOLO DE ACCESO Á BIBLIOSANLUÍS

Velaquí vos deixamos o Protocolo de acceso á Bibliosanluís, co que se pretende salvagardar a saúde dos usuarios e usuarias da nosa biblioteca. Para que sexa máis accesible para todos e todas, tamén quedará pendurado na marxe dereita.

Un saúdo e moita saúde,

Fidalgo.

BENVIDAS E BENVIDOS AO CURSO 2020/2021

Boa tarde lectoras e lectores!! Como extrañaba escribirvos por aquí... Espero que vos lembredes de min!! Son Fidalgo, a mascota da vosa biblioteca 😊 Como estades? Que tal as vacacións? E a volta ao cole?

Estou aquí para darvos a benvida a este curso 2020/2021 que vai ser un pouco diferente pero non por iso vai pasar desapercibido, todo o contrario. Propoñereivos actividades variadas, para celebrar as conmemoracións, recomendareivos lecturas e moitas máis cousiñas que xa levamos facendo un tempo pero que nesta ocasión adaptaremos á situación da COVID-19.

Gustaríame facer nesta primeira entrada do curso, unha homenaxe a Quino. Sabedes quen é? Joaquín Salvador Lavado foi o creador de Mafalda, unha nena curiosa, inqueda e moi irónica á que lle encanta filosofar a partir de feitos cotiás. É pois a protagonista de numerosas viñetas que seguro coñecedes. Deixámosvos a continuación un pequeno agasallo que unha boa amiga me fixo chegar. Na primeira imaxe podedes ver unha estantería chea de libros polo que, se premedes neles, accederedes a diferentes tiras que amosan a visión crítica de Mafalda, a súa preocupación e defensa pola humanidade e outros moitos temas ben importantes.

Antes de despedirme por hoxe, gustaríame dicirvos que esteades ben atentos os próximos días 👀 avecíñanse novidades moi importantes na biblioteca!! Estou seguro de que vos encantarán 😍

Moitos saúdos a todos raparigos e raparigas, ánimo co curso!! 💪💪