PDI ANUAL "SAN LUÍS INFORMA" OBXECTIVO 15 ODS: VIDA DE ECOSISTEMAS TERRESTRES

 Para este último trimestre, Fidalgo propúxonos que investiguemos sobre o obxectivo 15 da ODS: ViDA DE ECOSISTEMAS TERRESTRES. Para iso, repartiu libros sobre a temáticas entre as diferentes clases.

O Obxectivo 15 pretende conservar a vida de ecosistemas terrestres. Busca protexer e restablecer os ecosistemas terrestres, xestionar de xeito sustentable os bosques, loitar contra a desertificación, deter e invertir a degradación das terras, e deter a pérdida de biodiversidade.

Os ecosistemas terrestres son vitais para soster a vida humana, pero o  mundo enfréntase a unha triple crise: o cambio climático, a contaminación a a perda de  biodiversidade.

Ao igual que nos anteriores trimestre repartimos as distintas áreas de investigación entre os distintos ciclos:

EI: O perigo do lume no bosque- A contaminación dos bosques- O hábitat e os alimentos.

1º ciclo de EP: Os beneficios dos bosques e das árbores.

2º ciclo de EP: Os ecosistemas e os animais en perigo de extinción.

3º ciclo de EP: Cambio climático: a desforestación e a pérdida de biodiversidade.

     

ecosistemas terrestres e animais en perigo de extinción de CEIP XESÚS SAN LUÍS ROMERO

RECOMENDACIÓN LECTORA

 

Queremos recomendarvos dende o noso club de lectura (Dragóns Lectores) o libro de Érica Esmorís: Esta é a miña historia e terás que crela.

Pulsando na imaxe do libro escoitaredes un podcast para coñecer un pouco máis do libro e para animarvos a que vos entren as ganas de lelo!

XA TEMOS RADIO NO NOSO CENTRO!!!

Durante este curso instalamos unha radio no noso centro escolar grazas á dotación de materiais de Polos creativos e as mestras do centro estivemos formándonos para aprender a usala. 

Ao longo destas últimas semanas por fin puidemos gravar co alumnado.

Foi unha experiencia fantástica que queremos compartir con todos vós.

Pinchando nas fotos que aparecen a continuación poderedes escoitar os nosos podcasts.

Alumnado de 4º de educación infantil: QUE FAREMOS NAS VACACIÓNS?

Alumnado de 1º de educación primaria: COÑECE MÁIS SOBRE ROSALÍA DE CASTRO.

Alumnado de 4º de educación primaria: QUE SON AS ENFERMIDADES TROPICAIS DESATENDIDAS.

Alumnado de 6º de educación primaria: DESPEDIDA.

https://drive.google.com/file/d/1zC8JiVkRuN_9aABoYODd1FUvHiGgjLLD/view?usp=drive_link

TRABALLO POR PROXECTOS AO LONGO DO CURSO

 Ao longo do curso, o profesorado aproveitou os recursos que lle brinda a biblioteca para levar a cabo proxectos de investigación co seu alumnado. 

A continuación queremos compartir con vós algunhas das actividades que realizaron.

Parabéns a todos e todas polo voso traballo!!!!!

                      

INTERCAMBIO DE CARTAS ENTRE CENTROS

 Durante este curso o alumnado de 3º e 4º de educación primaria intercambiaron cartas co alumnado de 3º de educación primaria do CEIP Wenceslao Fernández Flores.

Comezaron no mes de decembro mandándose postais para felicitarse as festas e seguiron ao longo do curso.

É unha actividade fantástica para mellorar a súa expresión escrita á par que coñezan novos compañeiros doutro centro.

INTERCAMBIO DE CARTAS de CEIP XESÚS SAN LUÍS ROMERO

SALÓN DO LIBRO

Con motivo da celebración da Semana do Libro, o concello de Carballo, como cada ano invita aos distintos centros a participar nunha exposición conxunta na biblioteca Rego da Balsa. 

Esta ano a temática era a música e tradición. Nós decidimos participar inspirándonos nos poemas e recitados populares recollidos no libro "Eu ben vin, virivín"  de Manuel Rico Verea.

O noso alumnado aprendeu diferentes cancións e gravou a súa recitación.

Na exposición podíase ter acceso a elas a través de códigos QR que estaban dispostos sobre un "banco libro". 

Deixámosvos cunhas fotos da exposición e os códigos QR para que escoitedes e, esperemos, aprendades estes recitados da nosa cultura.

    

                                                                

Qr Salón Do Libro

Durante a semana do libro de Carballo, o concello ofertou aos cursos de de 6ºEI, 1ºEP, 3ºEP e 5ºEP varias actividades como son asistencia a obras de teatro, visita á exposición do salón do libro e un taller de imprenta.

   

PREMIO DE TRABALLO POR PROXECTOS

 O noso centro está de en hora boa porque foi premiado no XI Concurso de Traballo por Proxectos coordinados ou co apoio da biblioteca escolar.

É un proxecto conxunto titulado "Non sempre se pace onde se nace"; levado a cabo entre  a aula de 5º de EI do noso centro e a aula de 4º de EP do CEIP Canosa-Rus. Resultaron gañadores na categoría intercentros.

O fío condutor foi a historia de Maruxa e Coralia, dúas mulleres inmigrantes que chegaron de América a Galicia en busca de novas oportunidades. Se queredes saber máis, podedes ver as actividades levadas a cabo aquí.

O pasado venres 10 de abril tivemos a honra de asistir á gala de entrega de premios na Cidade da Cultura en Santiago de Compostela.

A nosa máis sincera felicitación ás dúas mestras responsables de desenvolver e levar a cabo o proxecto.

VISITA DA AUTORA MARÍA CANOSA

 O día 9 de abril tivemos a gran sorte de que nos viñera visitar a autora María Canosa para falar cos alumnos e alumnas de 2º e 3º de educación primaria sobre o seu libro "Cazadora de estrelas" que estiveron lendo este curso. Durante a visita puideron compartir con ela as impresións, opinións e preguntas sobre a obra. 

Moitísimas grazas a María Canosa por visitarnos e compartir con nós esa mañá!

PDI ANUAL "SAN LUÍS INFORMA" OBXECTIVO 16 ODS: PAZ, XUSTIZA E INSTITUCIÓNS SÓLIDAS.

 

Seguindo co noso proxecto, neste trimestre Fidalgo invitounos a descubrir o obxectivo 16 que pretende promover sociedades pacíficas e inclusivas, facilitar o acceso á xustiza para toda a poboación e crear institucións eficaces, responsables e inclusivas a todos os niveles. As personas de todo o mundo deben vivir libres do medo a cualquera forma de violencia e sentirse seguras no seu día a día, sexa cal sexa a súa orixe étnico, relixión ou orientación sexual.

Ao igual que no primeiro trimestre repartimos entre os distintos ciclos as diferentes metas que abarca o obxectivo:

EI e 1º ciclo de EP: Os dereitos dos nenos

2º ciclo: As votacións 

3º ciclo: Os refuxiados

O traballo que se levou a cabo realizouse utilizando, entre outras fontes,  libros que a biblioteca mercou para desenvolver o proxecto.

 Votacións en clase usando o carné de biblioteca:

A TÚA VOZ IMPORTA de CEIP XESÚS SAN LUÍS ROMERO

DÍA DA POESÍA EDLG

 Outro ano máis o EDLG do noso centro propuxo os distintos cursos crear distintos tipos de poemas: pareados, caligramas, haikus e poemas quebra_ósos.

O día da poesía tamén é o día da árbore polo que colgaron as creacións literarias nas árbores da contorna do noso centro escolar.

Pulsando na seguinte imaxes poderedes acceder á entrada ao seu blog e ler e admirar os poemas inventados. 

Libro Poético 2026

Publish at Calameo

RECEITAS DE ENTROIDO EDLG

 Grazas ao EDLG do noso centro, para o Entroido os diferentes cursos de educación infantil e educación primaria elaboraron receitas típicas desta época e propias tamén da nosa cultura. 

Deixámosvos o enlace á publicación:

https://moitalinguasanluis.blogspot.com/2026/03/receitas-de-entroido.html

Receitas De Entroido

Publish at Calameo

DÍA DE ROSALÍA

 Para o día de Rosalía, o EDLG do noso centro propúxonos inventar uns  versos a partir de palabras que Rosalía de Castro usou nos seus poemas para crear cancións. Cada clase inventou a súa estrofa e despois a partir delas e empregando a app Suno de intelixencia artificial, crearon as cancións. 

Deixámosvos o enlace á publicación das cancións:

https://moitalinguasanluis.blogspot.com/search/label/Rosal%C3%ADa%20de%20Castro

LECTURAS COMPARTIDAS PARA A PAZ

No día Escolar da Non Violencia e da Paz disfrutamos un montón con lecturas compartidas para a Paz.Ollade e veredes.!!!

  

LECTURAS COMPARTIDAS

CURTAS POLA PAZ

 Con motivo da efeméride do Día da Paz de da non Violencia, decidimos reflexionar sobre como podemos actuar no noso día a día para mellorar a convivencia. Para iso  proxectamos cada día unha curta na biblioteca durante o recreo para despois falar e opinar sobre o que visionamos.

Foi moi enriquecedor!!!

Deixámosvos o cartel e o enlace ás curtas para que vós temén poidades velas e pensar en como a paz se constrúe día a día con pequenos xestos que fan que cambie o mundo.

PDI ANUAL "SAN LUÍS INFORMA": OBXECTIVO 3 ODS: SAÚDE E BENESTAR

Grazas a este proxecto pretendemos formar ao noso alumnado para unha participación activa e comprometida coa sociedade complexa nas que nos toca vivir.

O primeiro obxectivo dos obxectivos de Desenvolvemento Sostible que traballamos este curso é o número 3: Saúde e Benestar.

O obxectivo abarca varias áreas de concienciación que decidimos repartir entre os distintos cursos:

EI: Alimentación saúdable, Hábitos saúdables e Hixiene e saúde.

1º ciclo de EP: Vacunas e potabilidade da auga

2º ciclo de EP: Malaria e enfermidades tropicais desatendidas

3º ciclo de EP: Mortalidade e lesións causadas por accidentes de tráfico.

Aquí vos deixamos co resultado das investigacións que levaron a cabo o alumnado neste primeiro trimestre do curso. Encántanos o resultado e invitámosvos a que o descubrades.

CEIP XESÚS SAN LUÍS ROMERO de CEIP XESÚS SAN LUÍS ROMERO

TALLER DE REGUEIFA

 O 13 de xaneiro o alumnado de 5º e 6º de educación primaria participaron nun taller de regueifa impartido por LUPE BLANCO e que nos foi ofertado polo Servizo de Normalización Lingüística do concello de Carballo.

Grazas a el aprenderon a gozar da arte da improvisación oral.

Moitísimas grazas ao concello de Carballo e a Lupe Blanco para compartir con nós a súa arte!