REGALO PARA NADAL DO CONCELLO DE CARBALLO

 Queremos agradecer o agasallo que recibimos por parte do concello de Carballo para Nadal: un lote de libros fantásticos que agora formaran parte do noso catálogo.

Moitísimas grazas!

RECOMENDACIÓNS LECTORAS PARA O NADAL!

 Compatimos con vós as recomendacións lectoras que elaboramos dende o equipo de biblioteca escolar para este Nadal. 

Moi boas festas e feliz lecturas!

25N DÍA DA ELIMINACIÓN DA VIOLENCIA CONTRA A MULLER

 Este curso para concienciar sobre a eliminación da violencia contra a muller, os diferentes cursos estivemos lendo o conto de "Pepuka y el monstruo que se llevó su sonrisa" de Estela Moreno Bermúdez.

Finalmente o alumnado de 4º de educación primaria leu o conto a todas alumnas e alumnos do centro na biblioteca, cuns títeres que representaban as personaxes.

Tamén todo o profesorado e alumnado do centro participou na elaboración dun mural colectivo onde se poden ver os sorrisos de cada un deles para revindicar que "NINGUÉN NOS PODE ROUBAR O SORRISO". No mural tamén aparecen "eslogáns" en contra da violencia de xénero con diferentes tipoloxías de letras. No seguinte vídeo poderedes ver o resultado.

25N de CEIP XESÚS SAN LUÍS ROMERO

APÓCEMAS PARA SANMAÍN

 O EDLG do noso centro propúxonos realizar unha actividade fantástica para Sanmaín: INVENTAR APÓCEMAS. 

Cada curso realizou as súas e quedáronlle horripilantes...jajajaja!

Deixámosvos o enlace á publicación no blog do EDLG para que lle botedes unha ollada.

https://moitalinguasanluis.blogspot.com/2025/11/libro-apocemas-de-samain.html

Libro Apócemas Samaín

Lecturas terroríficas. Samaín 2025

O alumnado de infantil grazas á colaboración das familias poideron disfrutar neste Samaín dunhas divertidas xornadas de lecturas acompañadas de sorpresas. Moitas grazas mamis, pasámolo xenial!!!!😊😉

Lecturas terroríficas Samaín

CONTO COLECTIVO DE SANMAÍN

 Para Sanmaín Fidalgo propúxonos escribir un conto entre os nenos e as nenas de todo o colexio. Cada clase foi a encargada de inventar unha parte do conto tendo en conta a súa estrutura.

O resultado encántanos! Compartímolo con vós a continuación.

conto colectivo de sanmaín de CEIP XESÚS SAN LUÍS ROMERO

24 DE OUTUBRO DÍA DAS BIBLIOTECAS

 O día 24 de outubro é o día das Bibliotecas Escolares. Os alumnos e alumnas de 1º de educación primaria prepararon un telexornal especial para falar de que era para eles e elas a biblioteca e a continuación,  algunhas alumnas e alumnos do colexio nun reportaxe especial dende a biblioteca do centro comparten con nós o que máis lle gusta da súa biblioteca.

Poderedes ver o resultado no seguinte vídeo!

TEATRO LIDO: A COUSA QUE MÁIS DOE DO MUNDO"

 Un ano máis participamos no certame de Teatro Lido convocado polo concello de Carballo.

Nesta ocasión o alumnado de 4º de educación primaria participaron coa adaptación do libro "A cousa que máis doe do mundo de Paco Liván.

Invitámovos a que vexades o resultado. A nós parécenos que lles quedou espectacular!!!!!!!

O concello de Carballo agasallounos co seguinte regalo e diploma pola súa participación.

MOCHILAS VIAXEIRAS

 Un ano máis empeza a andaina das nosas mochilas viaxeiras.

Este curso os libros das mochilas incluirán tamén libros relacionados co noso proxecto anual. 

Esta foi a carta que nos mandou Fidalgo onde explica detalladamente todo.

A continuación tedes a listaxe dos libros que inclúen todas as mochilas:

Mochilasviaxeiras

Leer más publicaciones en Calaméo

CURSO 2025_2026 NOVO CURSO, NOVO PROXECTO

 

Un ano máis comezamos o curso con moita ilusión! Este curso o noso proxecto anual titúlase "SAN LUÍS INFORMA". É un proxecto interdisciplinar no que contaremos para o seu desenvolvemento coa participación de todo o equipo docente, equipos de dinamización, alumnado e familias. A través del pretendemos dar resposta ás necesidades informativas das persoas que integran a comunidade educativa, formando ao alumnado para unha participación activa, plena e comprometida coa sociedade complexa na que nos toca vivir, por iso centrarémonos en tres dos 17 obxectivos de Desenvolvemento Sostible que foron aprobados polas Nacións Unidas.

Traballaremos sobre os obxectivos: 3, 15 e 16.

Penso que vai ser moi enriquecedor.

Preparados? Comezamos.

FORMACIÓN USUARIOS

 A formación de usuarios é fundamental para que todo o alumnado e profesorado sepa usar os recursos tan valiosos que nos oferta a nosa biblioteca. A continuación deixámosvos unha presentación para aprender e/ou recordar que podemos atopar na nosa biblioteca e onde; e un vídeo recompilando algúns sesións que levamos a cabo este curso.

formación de usuarios de CEIP XESÚS SAN LUÍS ROMERO

RECOMENDACIÓNS LECTORAS PARA O VERÁN

Benqueridos nenos e nenas,

Xa chegou o verán e coma sempre quería propoñervos unha selección de libros para ler no tempo de lecer.

Desfrutade moito coas lecturas que despertan a imaxinación e o enxeño!!!!

Que teñades un verán solleiro e cheo de lecturas máxicas!!! 

VISITA Á RADIO DO CEIP A CRISTINA

 Hoxe visitamos a radio do CEIP A Cristina cos alumnos de 6º de educación primaria: Trini, Sameri, David, Roberto, Carla e Malak. Alí estaban esperándonos alumnos tamén de 6º de EP: Ana, Iria, Xian e Victoria. Ensináronnos o centro e a súa radio e o seu funcionamento que tantas ganas tiñamos de coñecer. Despois empezamos a entrevista. 

Que ben o pasamos!!! 

Deixámosvos unhas fotos, un pequeno vídeo do comezo da entrevista e o podcast.

PROXECTO ENTRE O ALUMNADO DE 5º EI E O ALUMNADO DE 4ºEP DE CANOSA RUS

 Ao longo deste curso o alumnado do noso centro de 5º de educación infantil e o alumnado de 4º de educación primaria do CEIP Canosa Rus levaron a cabo unha colaboración para desenvolver o proxecto "A nosa casa da vila". 

A biblioteca tamén xogou un papel no desenvolvemento deste proxecto achegando os libros de ficción ou/e informativos que precisaron. Para poder compartilo co colexio de Canosa Rus tamén lle fixemos un carnet de biblioteca para emprestar libros con eles/elas.

Estiveron e están facendo un traballo espectacular que queremos que coñezades por iso compartimos con vós o enlace onde poderedes ver todas as actividades levadas a cabo.

https://moitalinguasanluis.blogspot.com/search/label/Proxecto%20%22A%20nosa%20casa%20da%20vila%22

LECTURAS COMPARTIDDAS

 O pasado venres 30 de maio, o alumnado de 5º e 6º de educación primaria foi ler contos ás tres aulas de educación infantil e ás aulas de 1º a 4º de educación primaria. Sempre é unha experiencia fantástica que o alumnado maior veña ler uns contos aos alumnos e alumnas de clases inferiores. Todos están moi emocionados e contentos de participar nesta actividade. É unha experiencia que repetimos curso tras curso e pensamos seguir levando a cabo. 

Deixamos unhas imaxes dos libros que foron ler e un vídeo onde se pode ver o bo momento compartido.

Mensaje en Video Para dar las Gracias Floreado Rosa y Azul Pastel de CEIP XESÚS SAN LUÍS ROMERO

Vendimando en Infantil.

Dentro do PDI da Biblioteca "Tradicións unindo xeracións" o alumnado de infantil convertiuse en vendimadores remomerando a tradición de esmagar os acios cos pés. Agardamos que vos guste.😀

LETRAS GALEGAS 2025: AS CANTAREIRAS

 Con motivo da celebración do día das letras galegas o venres 16 de maio reunímonos todo o alumnado do centro e o profesorado na biblioteca para cantar o himno galego e homenaxear o noso idioma e as cantareiras.

Aproveitamos tamén para compartir con vós o traballo elaborado polo EDLG do centro que pon en valor as CANTAREIRAS e a poesía tradicional oral, a quen se lle dedica este ano o DÍA DAS LETRAS GALEGAS.  No enlace encontraredes un Symbaloo cunha fantástica recompilación de actividades.

VIVA A NOSA LINGUA E VIVA AS CANTAREIRAS!!!!

https://moitalinguasanluis.blogspot.com/2025/05/letras-galegas-2025.html

Participamos todo o centro nun encontro en Mens para conmemorar a figura das súas pandereiteiras e ademais agasalláronnos cun libro. Invitámosvos a que visitedes o blog do Equipo de Dinamización https://moitalinguasanluis.blogspot.com/2025/05/macroconvivencia-ao-son-da-pandeireta.html para ver como se desenvolveu esta xornada tan marabillosa.

SEMANA DO LIBRO E A LECTURA EN CARBALLO

 Un ano máis participamos nas actividades que levan a cabo dende o concello de Carballo e a asociación ASPG para a celebración do día do libro. Este ano o tema foi O Cine.

Participamos na exposición colaborativa que realizan os centros escolares de Carballo na biblioteca Rego da Balsa. Nos promocionamos a figura de Rosalía de Castro co enlace ao vídeo-documental sobre a súa vida e obra e varios vídeos de recitados de poemas. O público podía acceder a eles lendo os QR situados nos paneis laterais. Tamén participamos expoñendo todo o traballo que leva elaborando o alumnado de 5º de EI do centro en cooperación co alumnado de CEIP de Rus.

Ademais participamos nos obradoiros ofertados para o alumnado de 1º, 3º e 5º de educación primaria:

- Para o alumando de 5º de EP: Obradoiro de escrita creativa: A fonte da palabras silenciosas con Antón Cortizas.

- Para o alumnado de 1º de EP: visita á exposición e asistencia á obra de títeres "A pita xefa" de Alakrán.

- Para o alumnado de 3º de EP: obra de teatro "A biblioteca galáctica contra a IA fantástica." Títeres Tanxarina.  Ademais agasallaron a cada alumno cun exemplar do libro que se representou.

A continuación deixámosvos unhas imaxes para ilustrar a semana tan fantástica que organizaron:

SELECCIÓN DE LECTURAS PARA A SEMANA DO LIBRO POR PARTE DO EDLG

Como sabedes, o 23 DE ABRIL conmemórase o DÍA DO LIBRO e o Equipo de Dinamización da Lingua Galega aproveitaron para difundir a través do seu blog libros ou vídeo-libros en galego.

Deixámosvos o enlace para que lle botedes unha ollada.

Moitas GRAZAS!

https://moitalinguasanluis.blogspot.com/search/label/D%C3%ADa%20do%20Libro

DÍA DO LIBRO

 Este ano realizamos un vídeo colaborativo durante a hora do recreo co alumnado e profesorado do centro que nos recomendan as súas lecturas favoritas para celebrar este día do libro. Esperamos que vos sirva de inspiración para novas lecturas. Animádevos!

ENTREVISTA DO ALUMNADO DO CEIP A CRISTINA

 O mércores 9 de abril dúas alumnas do CEIP A Cristina, Sabela e Lucía, acudiron ao noso centro acompañadas pola súa coordinadora da biblioteca escolar Maica, para realizar unha entrevista ás dúas coordinadoras das bibliotecas dos dous centros. Foi unha experiencia fantástica (aínda que tivemos algúns problemas co sonido do vídeo) e proximamente iremos nos ao seu centro a gravar un programa na súa radio con alumnado de 6º de EP. Temos moitas ganas de que chegue ese día!!!!

TALLER DE POESÍA 3º DE EDUCACIÓN PRIMARIA

 Ao longo deste segundo trimestre, o alumnado de 3º de educación primaria tivo a sorte de poder recibir uns talleres de creación poética. Durante estes talleres aprenderon sobre a poesía, a súa estructura e inventaron varios poemas colectivamente. Foi unha experiencia fantástica que promocionou que lles gustara aínda máis, se cabe, este xénero literario e impulsou a súa creatividade. Aproveitouse tamén a celebración do día da Paz e non violencia escolar e o día dos enamorados para inventar poemas que reflexionen sobre estas conmemoracións.  Aquí compartimos con vós imaxes destes días e creacións. 

CREANDO POESÍA de CEIP XESÚS SAN LUÍS ROMERO

ENCONTRO CO AUTOR DAVID RODRÍGUEZ

 Hoxe tivemos a sorte de recibir na biblioteca ao escritor David Rodríguez, autor do libro Superavoa. 

Veunos contar aos alumnos de 1º, 2º e 3º de educación primaria o libro titulado O tren Fantasma de María Oruña.

Pasámolo incrible e ademais ao final do conto cantamos xuntos a canción de Andrés do Barro "O tren" e David tocou a guitarra!!!

DÍA DA POESÍA

O pasado 21 de marzo celebrouse o DÍA da POESÍA e o Día da ÁRBORE e todo o centro sumámonos a proposta feita polo EDLG do centro para dar continuidade a unha actividade realizada en anos anteriores.

Recitamos poemas en galego e subíronnos ou blog do EDLG xerando un código QR que se incluíu nos carteis que se elaboraron para colgalos nas árbores da contorna do noso colexio para que todas as familias do centro e veciños de Carballo poidan gozar deles.

A continuación deixámosvos ao enlace a entrada do blog onde poderedes escoitar todos os poemas recitados polo alumnado.

https://moitalinguasanluis.blogspot.com/search/label/D%C3%ADa%20da%20Poes%C3%ADa

SEMANA DA PRENSA

Durante a semana da prensa o alumnado do centro estivo traballando co prensa. A contiación deixámovos o mural que expuxemos na entrada da biblioteca e un vídeo onde se pode ver como o alumnado de educación infantil se familiariarizou ca prensa. Mirade que traballiños fixemos.

 

emana de Biblioteca

TALLER DE LITERATURA: PEIZOQUE ROQUE (DORES TEMBRÁ).

O xoves 27 de febreiro, o alumnado de 2º de educación primaria recibiu unu obradoiro de poesía  por parte de Dores Tembrá. Este obradoiro foi ofertado polo concello de Carballo. 

Dores é a autora do libro "O peizoque Roque". No seu libro o peizoque Roque busca palabras polo bosque para sobrevivir. Por iso, no seu taller os nenos e as nenas da clase  ían botándolle palabras para alimentalo durante a lectura e despois cada un foi escribindo e debuxando as palabras coas que lles gustaría darlle de comer ao peizoque Roque.

Video Collage de Fotos Feliz Cumpleaños Multicolor de Biblioteca

DÍA DE ROSALÍA 23 DE FEBREIRO

 Este ano para a celebración do día de Rosalía, o día 23 de febreiro,  todo o colexio colaborou coa proposta do Equipo de Dinamización da Lingua Galega realizando un vídeo colaborativo sobre a vida e obra da autora. 

Ese día preparamos a biblioteca para a gran estrea da docu-serie "Unha viaxe pola vida de Rosalía". Fixéronse dous pases, primeiro asistimos todo o alumnado e profesorado e despois as familias. 

Como xa sabedes, este ano o tema anual elixido no colexio é "Xeracións unindo tradicións", polo que aproveitamos a ocasión para encargarlle os oleiros de Buño que nos realizaran un prato coa figura de Rosalía de Castro e formase parte deste espazo. Pareceunos que o seu referente debía ter o seu lugar na nosa biblioteca polo que significa para a transmisión e defensa do galego tanto a nivel escrito como oral e tamén como muller.

Ademais a olería forma parte dun oficio tradicional da comarca e este curso polo Entroido iremos disfrazados de oficios tradicionais, polo que tamén é unha maneira de promocionar e valorar a nosa cultura e tradicións.

 

O alumnado de 2ª de educación primaria recitou o poema de Rosalía de Castro "Pra Habana". Quedoulles xenial!!! Mirade o resultado:

 

 

 

A continuación deixámosvos tamén os enlaces ao blog do equipo de EDLG do noso centro para que poidades visualizar a docu-serie e actividades relacionadas coa vida e obra de Rosalía de Castro.

https://moitalinguasanluis.blogspot.com/2025/02/docu-serie-unha-viaxe-pola-vida-de.html

Enlace ao blog do EDLG con toda a información:

https://moitalinguasanluis.blogspot.com/search/label/Rosal%C3%ADa%20de%20Castro

CELEBRACIÓN DÍA DE ROSALÍA de CEIP XESÚS SAN LUÍS ROMERO

DÍA DA PAZ

Lembrades a carta que Fidalgo nos enviou convidándonos a recitar un poema da Paz?, pois nós o alumnado de 2º de Ed.Primaria recitamos o poema "Só tres letras" de Gloria Fuertes. Agardamos que vos guste!!!😀

Video Youtube Cuenta Atras Temporizador Organico Pastel de Biblioteca Tamén quixemos clamar ben alto PAZ;PAZ;PAZ

Paz de Biblioteca

30 de Xaneiro. Día da Paz

Tras recibir a carta de Fildalgo convidándonos a recitar un poema da Paz, o alumnado de infantil non o dubidou e elexiu o poema "A pombiña Branca" de Gloria Sánchez. Agardamos que vos guste!!!😀😀

pombiña branca.mp4 de Biblioteca

MERENDA POLA PAZ

 O día 30 de xaneiro organizamos na biblioteca unha MERENDA PARA A PAZ. Entendemos que a PAZ é compartir, desfrutar da compañía, axudar, ... así que decidimos xuntarnos na hora do recreo na biblioteca para tomar  chocolate con leite. Durante esta actividade visualizamos na pantalla dixital  dous contos para a PAZ e escoitamos cancións relacionadas co tema. Estas propostas están recollidas no seguinte Genially para que tamén as poidan realizar dende as aulas ou dende as casas.

Nesta entrada tamén recóllese un pequeno vídeo onde aparecen unha reompilación de fotos destes día sinalado.

día da PAZ de CEIP XESÚS SAN LUÍS ROMERO

TALLER DE REGUEIFA

O día 16 de xaneiro o alumnado de 5.º e 6.º de Educación Primaria, tivo a oportunidade de participar nun obradoiro de regueifa que forma parte do programa Enreguéifate impulsado por diferentes concellos, entre eles o de Carballo. Este taller adáptase de marabilla ao noso proxecto anual "Tradicións unindo Xeracións" A regueifa é algo propio da nosa comarca, especialmente na época dos nosos avós/avoas e bisavós/bisavoas. Afortunadamente, dende fai uns anos, contamos cada vez con persoas que están a revivir a maxia desta improvisación oral en verso, promovéndose diferentes actividades deste tipo onde poden participar persoas de diferentes idades. O EDLG do noso centro impulsa estas actividades e podedes ver o resultado no seu blog. Queredes ver como foi esta sesión con Lupe Blanco e Josiño da Teixeira? Pulsade no seguinte enlace. https://moitalinguasanluis.blogspot.com/2025/01/obradoiro-de-regueifa.html

PROPOSTA CELEBRACIÓN DÍA DA NON VIOLENCIA E DA PAZ

 A continuación deixámosvos a carta que escribiu Fidalgo ao alumnado e profesorado do centro para o día da non violencia e da paz. Invitounos tamén a aprender e recitar unha poesía para conmemorar este día.

2025 ANO CASTELAO

Este ano 2025 celébrase o Ano de Castelao. O Equipo de Dinamización da Lingua Galega do noso centro elaboraron este Symbaloo con ligazóns de interese sobre este persoeiro. Nel poderedes atopar información sobre a súa vida e obra, novas de diferentes xornais, materiais da Fundación Castelao, imaxes e incluso actividades interactivas. Tamén prepararon no centro un recuncho físico con materiais sobre Castelao Nel atoparedes: - Unha escolma de libros do autor. - Unha frase representativa sobre o que sinte el cara a lingua galega. - Un cartel cun código QR que da acceso a un Symbaloo de recursos. - Novas sobre a temática. Pinchando nas seguintes ligazóns accederedes a toda a información no blog do EDLG. https://moitalinguasanluis.blogspot.com/2025/01/2025-ano-de-castelao.html https://moitalinguasanluis.blogspot.com/2025/01/espazo-de-castelao.html