Visita de Fidalgo

O alumnado de 1º nivel mandáralle a Fidalgo unha mensaxe nun barco de papel, porque estaba moi lonxe, alén do mar. Pois apareceu unha resposta.... e un agasallo.

E POR FIN.....

LA PUERTA VIOLETA from Consuelo Alvarez Veira on Vimeo.

E TAMÉN NA PRENSA

25 de Novembro. LA PUERTA VIOLETA. VÍDEO COLABORATIVO

DÍA INTERNACIONAL CONTRA A VIOLENCIA DE XÉNERO from Equipo Biblio San Luís on Vimeo.

OBRADOIRO DE PULSEIRAS

Está tendo moito éxito o obradoiro no que aprendemos a facer pulseiras nos recreos.
Estannos saíndo algunhas preciosas.
O venres todo o alumnado lucirá unha como mostra do rexeitamento á VIOLENCIA CONTRA A MULLER.

EXPOSICIÓN DE LIBROS. 25 DE NOVEMBRO

CONTACONTOS: "OS CHIBOS CHIBÓNS"

SOMOS RÚA , FACEMOS ARTE

ZOQUEANDO POR CARBALLO, participamos no Programa cultural do Concello que denominou "SOMOS RÚA, FACEMOS ARTE", e coa guía de Basilisa Fiestras, axudamos a facer unha obra colectiva. Consistía en facer as nosas mans de escaiola, pero para iso antes tivemos que facer o molde. Foi interesante e divertido, e ademais... invitáronnos a chocolate con pan de ovo. Mañá moi completa.

SOMOS RÚA, FACEMOS ARTE from Consuelo Alvarez Veira on Vimeo.

E saímos na prensa. Para ver máis fotos preme AQUÍ

PREPARANDO O 25 DE NOVEMBRO

Compartimos este vídeo elaborado no CEIP Porto Cabeiro de Redondela, pois estes días estamos preparando a celebración do 25 de Novembro, día internacional contra a violencia de xénero. O primeiro será saber por que se celebra ese día. E este vídeo resposta a pregunta. Tamén escollemos unha canción que imos cantar ese día. Moito alumnado xa a sabe cos signos. Trátase da canción "La puerta violeta" de Rozalén. E non deixamos atrás o aspecto estético. Así que andamos entre pinturas, flores, obradoiro de pulseiras...

25 DE NOVEMBRO from Consuelo Alvarez Veira on Vimeo.

TERAPIA CON CANS

Damos as grazas á asociación Aloumiños, que trouxo á nosa biblioteca este novo amigo para nós.
Trátase do proxecto CADELAR, unha terapia con cans con alumnado con necesidades especiais.
Foi moi divertido, unha actividade chea de tenrura e novas experiencias.

CADELAR. TERAPIOA CON CANS NO CEIP XESÚS SAN LUÍS ROMERO from Consuelo Alvarez Veira on Vimeo.

CARTA DE FIDALGO!!!!!

Á aula de 1º nivel chegou unha carta dende moi lonxe, dende Indonesia.
É de Fidalgo, e  antes de irse deixoulles unha caixa chea de libros.

CONTACONTOS NA HORA DE LER

Continúa o alumnado de terceiro nivel contando historias e lendo contos na Hora de Ler. Estes días foron "Poucapalla" e "El erizo que no se quería pintar". Para este precisamos da aplicación realidade aumentada.

Parabéns aos Teatreiros

Na final do Consurso de Teatro Lido Xosé Manuel Eirís, que se acaba de celebrar, o noso grupo de Quinto Nivel, "Os Teatreiros" acadou o cuarto posto coa obra "O Galo Quirico". Parabéns para todo o grupo e a súa profesora Fina, que tan ben o fixeron.

PREMIOS ALOUMIÑOS

Parabéns ao alumnado que participou no concurso de debuxo de Aloumiños, que utilizarán para facer o seu calendario. Pero sobre todo, para Carla Añón Botana, Said Lagridi e Carla Giance García, que resultaron gañador@s no concurso e foron hoxe a recoller o seu premio ao Casino de Carballo.

Contacontos na Biblioteca

Levamos xa uns días que o alumnado de Terceiro Nivel conta contos ao alumnado de Segundo e Primeiro Nivel na Hora de Ler.
Algunhas das historias escollidas foron:
"Hai algo máis aburrido que unha princesa rosa?"
"Paco Papán" e
"Corre, corre , cabaciña"

FINALISTAS NO CONCURSO DE TEATRO LIDO

Un ano máis un grupo de teatro lido do noso colexio clasificouse no Concurso de Teatro Lido Xosé Manuel Eirís. Mañá domingo os grupos finalistas veranse as caras no Pazo da Cultura na Gran Final. Parabéns por participar aos dous grupos, e por chegar á Final ao grupo de Quinto Nivel.

CONCURSO DE DEBUXOS DE TERROR

Concurso Debuxos de Terror by on Scribd

CONCURSO DE RELATOS DE TERROR

Concurso relatos de terror from Chelo Alvarez Veira

FESTIVAL DE SAMAÍN

Teatro, lendas de Carballo e música no festival de Samaín

FESTIVAL SAMAÍN from Consuelo Alvarez Veira on Vimeo.