Bos días a todos e todas!
6º curso de EP vén de participar na proposta "XXI Concurso Escolar de Teatro Lido Xosé " promovido polo concello de Carballo e asociación cultural Telón e Aparte. Nesta ocasión decidiron adaptar a obra "Rosiña" do autor Xesús San Luís Romero que dá nome ao noso centro. Moita sorte rapaaces e rapazas!
Un saúdo
Os nenos e nenas de 2º curso de primaria comezaron o proxecto "Cóidome, cóidote, coidámonos". Non elixiron mellor forma que... PREPARANDO E PAPANDO UNS PINCHOS DE FROITA! Non eran uns pinchos calquera xa que deseñaron un animal... ¿queredes saber cal? Ollo ao vídeo!
Bo traballo nenas e nenos!
Arrancamos este curso con "Bibliopatio" unha iniciativa que pretende achegar a biblioteca aos nenos e nenas durante os recreos! Estamos tendo un grande éxito, sobre todo entre os máis pequenos!
Esta semana comezamos coa formación de usuarios/as aos nenos/as colaboradores de 5º e 6º de educación primaria xa que nos axudarán nas tarefas de biblioteca.
Bos días a todos e todas!
Comezamos un novo curso cheo de ilusións con moitos proxectos e actividades para realizar!
Tal e como vos enviei ás aulas, aquí vos deixo a carta de benvida!
Boas lectores e lectoras! 😊
Agora que estamos a piques de rematar este curso preparamos un tríptico con recomendacións lectoras, onde incluímos diferentes materiais que adquirimos este ano para a Bibliosanluís e que teñen éxito entre vós.
Boas vacacións!
Velaquí vos deixo un ano máis, a revista A Voz do San Luís que, como xa vos comentamos o ano pasado, agora só se editará en formato dixital.
Boas vacacións a todos e a todas 🌞
Despois do Mes das Letras, así luce o corredor que pasa por diante da biblioteca 💙
