TALLER DE REGUEIFA

O día 16 de xaneiro o alumnado de 5.º e 6.º de Educación Primaria, tivo a oportunidade de participar nun obradoiro de regueifa que forma parte do programa Enreguéifate impulsado por diferentes concellos, entre eles o de Carballo. Este taller adáptase de marabilla ao noso proxecto anual "Tradicións unindo Xeracións" A regueifa é algo propio da nosa comarca, especialmente na época dos nosos avós/avoas e bisavós/bisavoas. Afortunadamente, dende fai uns anos, contamos cada vez con persoas que están a revivir a maxia desta improvisación oral en verso, promovéndose diferentes actividades deste tipo onde poden participar persoas de diferentes idades. O EDLG do noso centro impulsa estas actividades e podedes ver o resultado no seu blog. Queredes ver como foi esta sesión con Lupe Blanco e Josiño da Teixeira? Pulsade no seguinte enlace. https://moitalinguasanluis.blogspot.com/2025/01/obradoiro-de-regueifa.html

PROPOSTA CELEBRACIÓN DÍA DA NON VIOLENCIA E DA PAZ

 A continuación deixámosvos a carta que escribiu Fidalgo ao alumnado e profesorado do centro para o día da non violencia e da paz. Invitounos tamén a aprender e recitar unha poesía para conmemorar este día.

2025 ANO CASTELAO

Este ano 2025 celébrase o Ano de Castelao. O Equipo de Dinamización da Lingua Galega do noso centro elaboraron este Symbaloo con ligazóns de interese sobre este persoeiro. Nel poderedes atopar información sobre a súa vida e obra, novas de diferentes xornais, materiais da Fundación Castelao, imaxes e incluso actividades interactivas. Tamén prepararon no centro un recuncho físico con materiais sobre Castelao Nel atoparedes: - Unha escolma de libros do autor. - Unha frase representativa sobre o que sinte el cara a lingua galega. - Un cartel cun código QR que da acceso a un Symbaloo de recursos. - Novas sobre a temática. Pinchando nas seguintes ligazóns accederedes a toda a información no blog do EDLG. https://moitalinguasanluis.blogspot.com/2025/01/2025-ano-de-castelao.html https://moitalinguasanluis.blogspot.com/2025/01/espazo-de-castelao.html

AGASALLO DO CONCELLO DE CARBALLO

 O Concello de Carballo agasallounos cuns libros fantásticos. Axiña estarán dispoñibles nos estantes da nosa biblioteca.

Moitísimas grazas!

RECOMENDACIÓNS LECTORAS PARA NADAL

Compatimos con vós as recomendacións lectoras que elaboramos dende o equipo de biblioteca escolar para este Nadal. Moi boas festas e feliz lecturas!

CANCIÓNS COLABORATIVAS DE NADAL EN GALEGO

 Para este Nadal,o Equipo de Dinamización da Lingua Galega propuxéronnos a todo o centro a elaboración dunha estrofa por aula para crear varias cancións de xeito colaborativo. Ofrecéronnos unha listaxe de posibles palabras relacionadas coa temática e con elas os diferentes cursos elaboraron as estrofas. Despois empregaron  a aplicación "Suno" de intelixencia artificial, para crear  as cancións.

Estas cancións soaron pola megafonía do centro nas entradas e saídas do centro. No seguinte enlace ao blog da biblioteca poderedes atoparlas todas. O resultado é fantástico!!!

https://moitalinguasanluis.blogspot.com/2024/12/cancion-de-nadal.html

MES DA CIENCIA EN GALEGO NAS BIBLIOTECAS

 Este ano colaboramos co Equipo de Dinamización da Lingua Galega do noso centro para levar a cabo esta celebración. Os diferentes cursos do centro participaron en obradoiros  de ciencia que levou a cabo o Grupo de Investigación en cambio ambiental (GRICA).

No seguinte enlance tedes toda a información.

https://moitalinguasanluis.blogspot.com/2024/11/mes-da-ciencia-en-galego-nas-bibliotecas_28.html

25N

Dende o equipo da biblioteca preparouse unha selección de libros que tratan o tema da violencia de xénero para concienciar ao alumnado e a toda a comunidade educativa. Ademais durante esta semana recorreuse as distintas aulas de educación primaria para ler e despois comentar o libro : "Oso Tramposo" de Alfredo Gómez Cerdá. Resultou ser unha lectura moi adaptada que permitiu realmente reflexionar con todo o alumnado sobre a situación da violencia de xénero.

25 DE NOVEMBRO.. DÍA INTERNACIONAL CONTRA A VIOLENCIA DE XÉNERO

Para conmemorar o Día Internacional contra a violencia de xénero o alumnado de Infantil asisitiu ao contocontos da fábula "Arturo e Clementina" onde se pon de manifesto a coeducación e estereotipos sexistas Unha vez rematado o conto fixemos as nosas particulares Clementinas baixo o lema 25N, Día Internacional contra a Violencia de Xénero.

25 N de Biblioteca

CONTOS SOBRE OS PERSONAXES DO SAMAÍN

Entre todo o alumnado de coñeceron algúns persoaxes que dan medo na nosa tradición. 

Saben quen é o Gatipedro, A bruxa dos dentes verdes,, o Tardo , a Tía Xuana.... e foi a esta a quen escolleron para facer unha historia entre todo o grupo. Aquí a tedes. 

O Segredo Da Tía Xuana

O alumnado de 3º de educación primaria realizou un conto colectivo no que todos os protagonistas son os personaxes propios da mitoloxía galega que coñeceron durante esta celebración. A continuación podedes ler resultado. A nós encantounos!

Unha Noite De Samaín