A hora do conto. Cocorico

Preme na imaxe e poderás ver un glog do conto Cocorico

IGUALANDO CARBALLO

O alumnado de cuarto participou nun obradoiro sobre a igualdade de xénero dende o mes de marzo. Ao final participaron nun concurso de literatura, contando historias de vida de mulleres que coñezan. Aquí temos a entrega de premios e tamén as historias que escribiron

igualando Carballo from Consuelo Alvarez Veira on Vimeo.

Igualando carballo from Chelo Alvarez Veira

CINETECA

Dende hai un mes temos sesións de cine na Biblioteca.
O Departamento de Orientación e o Equipo de Biblioteca organizaron unhas sesións con curtametraxes sobre o acoso escolar.
A última foi esta semana, na que vimos a curta O sandwich de Mariana e o rap de El Langui que se titula Se buscan valientes.
Foi moi divertido, porque tiñamos que mercar as entradas, para o que primeiro repartiron cartos, pero non a tod@s iguais (como a vida mesma), así que tiñamos que negociar entre nós para que nos invitase un amigo ou amiga, ou nos axudase a mercala. Coa entrada agasallábannos cun vaso con flocos de millo.
Foi unha curta moi interesante, que nos fixo reflexionar moito e participar no debate posterior.
Aquí hai un vídeo con todo o proceso, e tamén a curtametraxe e o rap, para volver velos cando queiramos

SESIÓNS DE CINE from Consuelo Alvarez Veira on Vimeo.

ACTIVIDADE FRENÉTICA NA BIBLIOTECA

Estes días abriuse a biblioteca ao empréstito de libros. E tamén a outras actividades. Estase formando un grupo de alumnado para encargarse dos empréstitos e o mantemento da biblioteca. Aprendemos a forrar, a organizar actividades, e tamén montamos un Mercadillo de libros usados, con algúns froito do espurgo.

Nova imaxe

A nova imaxe da Biblioteca vai tomando forma

EXPOSICIÓN DO SALÓN DO LIBRO

Como vistes, celebrouse en Carballo o Salón do Libro e a Lectura. Sempre hai unha exposición dos traballos elaborados polos distintos colexios.
Este ano recibimos un premio polo que presentamos, xunto co CRA Ponte da Pedra, tal e como podes ver se premes AQUÍ
Se queres volver visitar a exposición aquí tes este vídeo.

Salón do libro from Consuelo Alvarez Veira on Vimeo.

SALÓN DO LIBRO

Coma todos os anos o Concello organiza o Salón do libro e invítanos a diversas actividades, obras de teatro, obradoiros, ..... e a visitar a exposición.
Nela hai traballos elaborados por todos os coles do concello. Este ano o tema é O MUNDO QUE QUEREMOS.
O noso traballo vai arredor do conto O CARBALLO CON BOTAS. Aquí tedes o enlace das fotos que publicou o xornal.
E algunhas das nosas visitas

24 DE ABRIL, DÍA DO LIBRO

LETRAS GALEGAS E CARLOS CASARES

Este ano dedícase o día das Letras Galegas a Carlos Casares. Todo o alumnado e profesorado do Colexio participamos no concurso de carteis da Xunta de Galicia. Non gañamos, pero aprendemos moito arredor do escritor. Agora temos unha serie de actividades para facer dende E. Infantil e E. Primaria. Bota unha ollada

Carteis carlos casares pdf from Chelo Alvarez Veira

Carlos Casares from Chelo Alvarez Veira

As ribeiras do Anllóns

Despois de dous trimestres de traballar o libro O Carballo con Botas, xa temos nacidos os seus fillos, e velaí que tamén fixemos un vídeo dos veciños do noso Carballo, os que viven nas beiras do Anllóns.
Queres coñecelos?
Aquí tés unha mostra da fauna e da flora que podes observar se paseas pola beira do noso benquerido Anllóns.

Ribeiras do Anllóns from Consuelo Alvarez Veira on Vimeo.