REVISTA ESCOLAR

A VOZ DO SAN LUIS 2018 from Chelo Alvarez Veira

GUÍA DE LECTURAS PARA O VERÁN 2018

Gustáronnos tanto as novidades que temos ultimamente na biblioteca que vos suxerimos algunhas delas para ter unha lectura entretida e formativa durante este verán.

Guia de Lectura Verán by Equipo Biblioteca on Scribd

CÁMBIACHE O CONTO

E aquí están as nosas versións en clave de igualdade dos contos clásicos que fomos lendo e refacendo ao longo do curso. Nalgúns casos só cambia a imaxe dos personaxes, noutros cambian os finais, e nalgúns cambia todo o conto.

PRESENTACIÓN DE NOVIDADES

Se queres coñecer algo máis de cada libro podes premer neste taboleiro. Tamén os tés no andel de NOVIDADES da biblioteca, alí podes consultalos e pronto poderás levalos en empréstito.

UN CACHIÑO DE BICA?

E rematamos a celebración do día das Letras Galegas cunha lectura colectiva das obras de María Victoria Moreno. Partimos da súa obra "¿UN CACHIÑO DE BICA?" e agasallámonos uns grupos a outros con lecturas diversas, e despois cun anaquiño de bica e un batido que nos enviou Feiraco por mor do Premio aos carteis.
Tamén levamos todos e todas a receita para facer a bica, unha regra e un marcapáxinas coas miniaturas dos carteis para quedar cunha boa lembranza deste día.

UN CACHIÑO DE BICA?

Día de PARABÉNS

Despois dun día de festa moi intenso críamos que chegaba a calma, pero hoxe foi un día de moitos parabéns, que chegaron de moitos centros , mestres, familias, etc, debido á repercusión que o noso premio tivo na prensa. Aquí tedes algúns recortes de prensa e nos  dous primeiros hai unha ligazón para que poidades ler toda a noticia.
Moitas grazas tamén á prensa polas palabras tan agarimosas que nos dedicaron e a todos e todas que nos felicitastes por diferentes medios.

 E tamén empezamos a ver nos supermercados de Eroski e Familia un dos nosos carteis que empregan para promocionar a nosa lingua no día das Letras Galegas. 

PREMIO AOS CARTEIS DAS LETRAS GALEGAS

Por fin chegou o día, e hoxe, con moita emoción, recibimos o PREMIO AOS CARTEIS DAS LETRAS GALEGAS. Foi un acto moi emocionante para toda a comunidade educativa. Os carteis teñen xa un lugar de honra nas nosas paredes, e terano sempre nas nosas memorias. Aquí podes velos:

 E tamén un vídeo do acto de entrega do premio, así coma outro cos carteis e algunhas actividades da guía:

NOVO RECANTO DE LECTURA

CARTEIS DAS LETRAS GALEGAS E GUÍA DIDÁCTICA

A Secretaría Xeral de Política Lingüística, co fin de difundir a figura e o legado de María Victoria Moreno entre a comunidade educativa dos diferentes niveis de ensino non universitario fixo un concurso entre os centros de Educación Infantil e Primaria.
Como xa sabedes, o noso centro foi o gañador deste ano.
Por fin podemos poñer á vosa disposición a colección de carteis. Esta exposición titulámola:
" VICTORIAMORENO, MESTRA CON ALMA", e fai un percorrido polos momentos máis significativos da biografía e pola obra da autora a quen lle renderemos homenaxe o próximo 17 de maio.
Se premes na imaxe poderás ver os carteis:

Tamén podes descargar a GUÍA, un MARCAPÁXINAS  e unha REGRA

E premendo AQUÍ  poderas ver  máis recursos sobre a autora como os carteis de Secundaria, ou traballos e actividades realizadas por outros colexios.

A NOSA EXPOSICIÓN NO SALÓN DO LIBRO