Para Sanmaín Fidalgo propúxonos escribir un conto entre os nenos e as nenas de todo o colexio. Cada clase foi a encargada de inventar unha parte do conto tendo en conta a súa estrutura.
O resultado encántanos! Compartímolo con vós a continuación.
xoves, 30 de outubro de 2025
luns, 20 de outubro de 2025
24 DE OUTUBRO DÍA DAS BIBLIOTECAS
O día 24 de outubro é o día das Bibliotecas Escolares. Os alumnos e alumnas de 1º de educación primaria prepararon un telexornal especial para falar de que era para eles e elas a biblioteca e a continuación, algunhas alumnas e alumnos do colexio nun reportaxe especial dende a biblioteca do centro comparten con nós o que máis lle gusta da súa biblioteca.
Poderedes ver o resultado no seguinte vídeo!
mércores, 15 de outubro de 2025
TEATRO LIDO: A COUSA QUE MÁIS DOE DO MUNDO"
Un ano máis participamos no certame de Teatro Lido convocado polo concello de Carballo.
Nesta ocasión o alumnado de 4º de educación primaria participaron coa adaptación do libro "A cousa que máis doe do mundo de Paco Liván.
Invitámovos a que vexades o resultado. A nós parécenos que lles quedou espectacular!!!!!!!
O concello de Carballo agasallounos co seguinte regalo e diploma pola súa participación.
mércores, 1 de outubro de 2025
MOCHILAS VIAXEIRAS
Un ano máis empeza a andaina das nosas mochilas viaxeiras.
Este curso os libros das mochilas incluirán tamén libros relacionados co noso proxecto anual.
Esta foi a carta que nos mandou Fidalgo onde explica detalladamente todo.
A continuación tedes a listaxe dos libros que inclúen todas as mochilas:
luns, 29 de setembro de 2025
CURSO 2025_2026 NOVO CURSO, NOVO PROXECTO
Un ano máis comezamos o curso con moita ilusión! Este curso o noso proxecto anual titúlase "SAN LUÍS INFORMA". É un proxecto interdisciplinar no que contaremos para o seu desenvolvemento coa participación de todo o equipo docente, equipos de dinamización, alumnado e familias. A través del pretendemos dar resposta ás necesidades informativas das persoas que integran a comunidade educativa, formando ao alumnado para unha participación activa, plena e comprometida coa sociedade complexa na que nos toca vivir, por iso centrarémonos en tres dos 17 obxectivos de Desenvolvemento Sostible que foron aprobados polas Nacións Unidas.
Traballaremos sobre os obxectivos: 3, 15 e 16.
Penso que vai ser moi enriquecedor.
Preparados? Comezamos.
mércores, 24 de setembro de 2025
FORMACIÓN USUARIOS
A formación de usuarios é fundamental para que todo o alumnado e profesorado sepa usar os recursos tan valiosos que nos oferta a nosa biblioteca. A continuación deixámosvos unha presentación para aprender e/ou recordar que podemos atopar na nosa biblioteca e onde; e un vídeo recompilando algúns sesións que levamos a cabo este curso.
venres, 20 de xuño de 2025
RECOMENDACIÓNS LECTORAS PARA O VERÁN
Benqueridos nenos e nenas,
Xa chegou o verán e coma sempre quería propoñervos unha selección de libros para ler no tempo de lecer.
Desfrutade moito coas lecturas que despertan a imaxinación e o enxeño!!!!
Que teñades un verán solleiro e cheo de lecturas máxicas!!!
venres, 6 de xuño de 2025
VISITA Á RADIO DO CEIP A CRISTINA
Hoxe visitamos a radio do CEIP A Cristina cos alumnos de 6º de educación primaria: Trini, Sameri, David, Roberto, Carla e Malak. Alí estaban esperándonos alumnos tamén de 6º de EP: Ana, Iria, Xian e Victoria. Ensináronnos o centro e a súa radio e o seu funcionamento que tantas ganas tiñamos de coñecer. Despois empezamos a entrevista.
Que ben o pasamos!!!
Deixámosvos unhas fotos, un pequeno vídeo do comezo da entrevista e o podcast.
mércores, 4 de xuño de 2025
PROXECTO ENTRE O ALUMNADO DE 5º EI E O ALUMNADO DE 4ºEP DE CANOSA RUS
Ao longo deste curso o alumnado do noso centro de 5º de educación infantil e o alumnado de 4º de educación primaria do CEIP Canosa Rus levaron a cabo unha colaboración para desenvolver o proxecto "A nosa casa da vila".
A biblioteca tamén xogou un papel no desenvolvemento deste proxecto achegando os libros de ficción ou/e informativos que precisaron. Para poder compartilo co colexio de Canosa Rus tamén lle fixemos un carnet de biblioteca para emprestar libros con eles/elas.
Estiveron e están facendo un traballo espectacular que queremos que coñezades por iso compartimos con vós o enlace onde poderedes ver todas as actividades levadas a cabo.
https://moitalinguasanluis.blogspot.com/search/label/Proxecto%20%22A%20nosa%20casa%20da%20vila%22
luns, 2 de xuño de 2025
LECTURAS COMPARTIDDAS
O pasado venres 30 de maio, o alumnado de 5º e 6º de educación primaria foi ler contos ás tres aulas de educación infantil e ás aulas de 1º a 4º de educación primaria. Sempre é unha experiencia fantástica que o alumnado maior veña ler uns contos aos alumnos e alumnas de clases inferiores. Todos están moi emocionados e contentos de participar nesta actividade. É unha experiencia que repetimos curso tras curso e pensamos seguir levando a cabo.
Deixamos unhas imaxes dos libros que foron ler e un vídeo onde se pode ver o bo momento compartido.
Mensaje en Video Para dar las Gracias Floreado Rosa y Azul Pastel de CEIP XESÚS SAN LUÍS ROMERO
Subscribirse a:
Publicacións (Atom)