Nesta data tan especial, as crianzas de 6º de Educación Infantil quixéronnos agasallar co recitado dun poema de Rosalía de Castro que leva por nome "Vente rapasa", agardo que gocedes moito co traballo destes peques!!😀
Un saúdo,
mércores, 24 de febreiro de 2021
luns, 22 de febreiro de 2021
24 DE FEBREIRO: Día de Rosalía
O próximo día 24 celebramos o DÍA DE ROSALÍA. Gustaríame facervos unha proposta en forma de xogo pero, para iso, precisades ler con atención unha pequena biografía que elaboramos no colexio.
Agora, empregando o seguinte rosco, imos comprobar canto sabedes sobre Rosalía de Castro. Estades preparados/as?? En 3... 2... 1... comezamos!!! 🚀
Agora déixovos un fermoso vídeo con algúns poemas do libro Follas novas.
Un saúdo,
domingo, 14 de febreiro de 2021
ENTROIDO 2021
Bo día lectoras e lectores!! Como estades? Xa vin que estes días estivestes festexando o Entroido, non si? Estabades moi guapos/as cos complementos que vos mandaba a meca cada día!!! 😍 E que dicir do día que vos disfrazastes... a algúns/algunhas non vos recoñecía!!!
Velaquí vos deixo un vídeo que recompila brevemente como foi esta semana de Entroido no noso colexio.
Agardo que vos gustasen os libros propostos sobre esta temática 📚
Boas vacacións!! Coidádevos moito,
xoves, 4 de febreiro de 2021
CELEBRACIÓN DO DÍA ESCOLAR DA NON VIOLENCIA E A PAZ
Benvidos e benvidas a esta publicación sobre a celebración do Día Escolar da non Violencia e a Paz. Comezo por amosarvos as recomendacións lectoras sobre esta temática 📚☮️
Como sabedes, este ano, dedicámoslle a semana do 25 ao 29 de xaneiro, traballando cada día sobre un reto que vos propoñía en forma de código QR.
Queredes ver como desenvolveron os retos as nenas e nenos das demais aulas do colexio?? Velaquí vos deixamos vídeos e fotos 📷
4.º EDUCACIÓN INFANTIL
5.º EDUCACIÓN INFANTIL
6.º EDUCACIÓN INFANTIL
1.º EDUCACIÓN PRIMARIA
2.º EDUCACIÓN PRIMARIA
ç
3.º EDUCACIÓN PRIMARIA
4.º EDUCACIÓN PRIMARIA
5.º EDUCACIÓN PRIMARIA
6.º EDUCACIÓN PRIMARIA
E agora déixovos as fotos que todos e todas fixemos diante do MURO DA PAZ figurando, en cada ladrillo, a palabra paz en diferentes idiomas.
Moitas grazas pola vosa participación e implicación,
xoves, 28 de xaneiro de 2021
SAIMOS NA TVG
Sabiades que onte o noso colexio salíu na TVG?? Pois sii, o alumnado de 6.º de Educación Infantil e dúas mestras foron convidadas/os a participar no programa "Quen anda aí?" para falar do premio acadado no concurso "Nós tamén creamos!".
Queredes ver a súa aparición na tele? Velaquí vos deixo un vídeo:
Éncheme de orgullo que a nosa rapazada se implicase tanto na adaptación do conto 💓 E a vós, familias, millóns de grazas por achegar onte á tarde ao colexio a todos os actores e actrices para poder participar nesta proposta. Millóns de grazas!! 😍
Un saúdo,
martes, 26 de xaneiro de 2021
UNHA BOA NOVA, RECIBIMOS UN PREMIO
Hoxe estou moi ledo. O alumnado de Educación Infantil resultou premiado no concurso "Nós tamén creamos!" na categoría 1 coa curtametraxe titulada "Mariluz avestruz". Moitos parabéns!! 👏👏
Velaquí vos deixo a CURTAMETRAXE:
Aquí tedes o making off para saber COMO O FIXERON:
http://www.crtvg.es/infantil/programas/nos-tamen-creamos-2020
Moitos parabéns a todos e a todas as participantes, aos gañadores/as e, en especial, ao noso alumnado de 6.º de Educación Infantil 😍 Convidámosvos a ver tamén as curtametraxes premiadas nas outras categorías, unha delas feita polos nosos veciños/as do colexio da Laracha.
Agora déixovos unhas ligazóns onde se fala do premio que recibimos 🎁
- Resolución do concurso no Portal da Lingua Galega:
- Resolución do concurso no Portal educativo da Xunta:
- Nova no xornal La Voz de Galicia:
Estou moi orgulloso de vós. Unha aperta virtual,
mércores, 20 de xaneiro de 2021
DÍA ESCOLAR DA NON VIOLENCIA E A PAZ
Ola raparigos e raparigas!! Como estades? Que tal levades estes días de temporal? Agardo que vos esteades coidando moito!! Hoxe veño para contarvos que, dende o luns 25 ao venres 29 deste mes, imos celebrar o Día Escolar da Non Violencia e a Paz.
En cada clase recibiredes un folio como o que vos vou presentar a continuación. Como vedes, conta con diferentes códigos QR que, cada día, debedes escanear e realizar a proposta. Recordade que podedes adaptalas aos vosos ritmos e tarefas, é dicir, se algún día non podedes facelas polo motivo que sexa, podedes facelas ao seguinte. Agardo que vos gusten 😀
Ademais, na entrada do colexio hai unha exposición de libros sobre a temática. Velaquí vos deixo os seus títulos.
Un saúdo,
VENRES 29: REFLEXIONANDO CON BANSKI
Xa remata esta semana e, con ela, a celebración desta conmemoración. Hoxe propóñovos a reflexión sobre algúns cadros de Banski. Podedes escoller un, dous ou facelos todos, vós decidides.
Primeiramente, imos facer unha chamada á calma onde, tranquilamente, comezaredes por observar os seguintes cadros sen comentar nada.
CADRO 2
Agora, ímonos guiar polas seguintes preguntas baseadas na Filosofía para Nenos:
- Que vedes na imaxe?
- Que está pasando?
- Que pensas que tapa a pegatina branca en cada un dos cadros?
- Agora buscade o cadro orixinal para ver que está agochado na zona branca. Unha vez observedes o cadro completo e, coa axuda do voso mestre ou mestra, reflexionade sobre o cadro completo.
Agora, como última actividade, acudide ao patio no horario sinalado e sacade unha foto co muro da paz. Xunto a el, no chan, podedes escribir algunha palabra significativa. Estou desexando ver as vosas fotos 😀
Un saúdo,
XOVES 28: FACEMOS UNHA BOTELLA DA CALMA
Benvidos e benvidas un día máis ás propostas de celebración do Día Escolar da Non Violencia e a Paz. Hoxe imos facer unha botella da calma. Sabedes o que é? Tedes algunha na vosa clase?
Velaquí vos deixo algunhas ideas para que poidades facer a vosa:
Na seguinte ligazón, podedes acceder a unha páxina onde se explica como facela paso a paso:
Algúns dos materiais que podedes precisar son:
- Un bote de cristal ou unha botella de plástico (máis ben alta).
- Purpurina da cor que queiras.
- Pegamento glitter ou transparente.
- Auga templada.
- Colorante alimentario.
Cando a teñades lista, podedes crear nas vosas aulas un recuncho da calma.
Biquiños,
MÉRCORES 27: O MURO DA PAZ
Que tal estades raparigos e raparigas? Xa chegamos ao ecuador da semana e hoxe tráiovos unha proposta artística. Queredes saber de que se trata?
O venres, imos facer un muro e, para iso, precisamos construír uns ladrillos con caixas. Como veredes, as vosas mestras e mestres entregaranvos unha caixa de cartón e un folio coa palabra paz en diferentes idiomas que debedes decorar. Unha vez a tedes lista, pegarédela na caixa.
Cada aula elaborará un ladrillo e, o venres, imos construír con eles un muro co que sacaremos unha foto. Isto farese no patio exterior se o tempo o permite, senón no hall da entrada.
Mans á obra!!
Unha aperta,
Subscribirse a:
Publicacións (Atom)