Onte, no noso colexio, celebramos o Nadal, aínda que este ano dunha forma distinta. Gustaríanos ter feito unha festa todos/as xuntos/as pero non puido ser, todo sexa por coidar a nosa saúde!! Aínda así, recibimos moitas sorpresas pois... veu visitarnos Papá Noel 🎅!! E sabedes que? Trouxo mooooitos agasallos 🎁 Eu creo que iso foi para recompensar o esforzo que todos e todas estamos facendo nestes tempos tan complicados. Dende aquí gustaríame felicitarvos, nenas e nenos, pois estádesnos a dar unha gran lección!!
Ademais, tamén fixemos un mercadiño de libros. Neste trimestre, na Bibliosanluís expurgáronse moitos libros para poder introducir outros novos. Dada a falta de espazo, quixemos darlles unha segunda vida e non se nos ocorreu mellor lugar para iso que os fogares do noso alumnado.
Agardo que este Nadal gocedes da lectura e que vos coidedes moito. Deséxovos unhas felices festas e que o 2021 veña cheo de cousas boas!!
Un bico ben forte,
Ningún comentario:
Publicar un comentario