QUE FIXEMOS NA SEMANA DO LIBRO?

Como xa sabedes, na semana do 19 ao 23 de abril conmemoramos a Semana do Libro 📚 Ao longo dos días, todas as nenas e nenos desenvolvemos diferentes actividades como elaboración de marcapáxinas, lecturas no patio, contacontos, book-selfies... A continuación amosámosvos o resultado 😍

4.º EDUCACIÓN INFANTIL

5.º EDUCACIÓN INFANTIL

6.º EDUCACIÓN INFANTIL

En 6.º de Educación Infantil contamos un conto que nos gusta moito!!😊

1.º EDUCACIÓN PRIMARIA

2.º EDUCACIÓN PRIMARIA

3.º EDUCACIÓN PRIMARIA

As nenas e nenos de 3.º realizaron un concurso de carteis sobre o Día do Libro.

A gañadora foi Carla. Moitos parabéns!!! 👏👏 O meu recoñecemento a todos/as polo voso esforzo na elaboración dos carteis, resultounos difícil escoller un único gañador/a por aula 😍

4.º EDUCACIÓN PRIMARIA

As nenas e nenos de 4.º realizaron un concurso de carteis sobre o Día do Libro.

O gañador foi Jorge. Moitos parabéns!!! 👏👏 O meu recoñecemento a todos/as polo voso esforzo na elaboración dos carteis, resultounos difícil escoller un único gañador/a por aula 😍

5.º EDUCACIÓN PRIMARIA

As nenas e nenos de 5.º realizaron un concurso de marcapáxinas sobre o Día do Libro.

O gañador foi Dani. Moitos parabéns!!! 👏👏O meu recoñecemento a todos/as polo voso esforzo na elaboración dos carteis, resultounos difícil escoller un único gañador/a por aula 😍

6.º A EDUCACIÓN PRIMARIA

As nenas e nenos de 6.ºA realizaron un concurso de marcapáxinas sobre o Día do Libro.

A gañadora foi Ángela. Moitos parabéns!!! 👏👏O meu recoñecemento a todos/as polo voso esforzo na elaboración dos carteis, resultounos difícil escoller un único gañador/a por aula 😍

6.º B EDUCACIÓN PRIMARIA

As nenas e nenos de 6.ºB realizaron un concurso de marcapáxinas sobre o Día do Libro.

O gañador foi Esteban. Moitos parabéns!!! 👏👏O meu recoñecemento a todos/as polo voso esforzo na elaboración dos carteis, resultounos difícil escoller un único gañador/a por aula 😍

Agora déixovos unhas fotos da entrada do colexio, onde están expostos os marcapáxinas e carteis gañadores. Ademais, a profe de reli tamén quixo facer a súa aportación nesta conmemoración traballando nas clases os diferentes libros da Biblia e elaborando marcapáxinas cos máis pequenos.

Moitas grazas pola vosa participación e implicación raparigos e raparigas. Parabéns por todo o voso esforzo!! 👏👏

SEMANA DO LIBRO

Bo día a todos e a todas! Dende o luns 19 ao venres 23 de abril celébrase a Semana do Libro e gustaríame propoñervos diferentes actividades para estes días. Animádesvos a participar? Estou seguro de que si 😀

📕 Lecturas no patio. Todos os nenos e nenas do colexio poderedes traer unha pequena manta ou toalla para sentarvos/deitarvos no patio e gozar da lectura. Nas diferentes zonas de recreo, haberá unhas mesas con diferentes propostas de lecturas para que escollades aquelas que desexedes.

📗 Contacontos para todos os nenos e nenas do colexio.

📘 Concursos:

• O alumnado de 3.º e 4.º de Educación Primaria elaboraredes un cartel para anunciar o Día do Libro. Nel incluiranse datos importantes como: Semana do Libro e a data na que se celebra. O resto correrá a cargo da vosa imaxinación e creatividade.
• O alumnado de 5.º e 6.º de Educación Primaria fará un concurso de marcapáxinas de decoración libre, incluíndo datos importantes como: Semana do Libro ou a data na que se celebra. A parte plástica correspóndevos a vós, artistas!!

📙 Obradoiro de marcapáxinas para as nenas e nenos de Educación Infantil, 1.º e 2.º de Educación Primaria. Cada aula tedes asignada unha hora para ir á biblioteca, onde estará preparado todo o material para o obradoiro.

📕 Book-selfie: ao longo da semana, aqueles nenos e nenas que queiran, farán unha foto co seu libro favorito.

📗 Booktubers: ao longo da semana, de xeito voluntario, faredes vídeos recomendando o voso libro favorito.

E ata aquí as propostas para a Semana do Libro. Agardo que vos gusten e que participedes e gocedes moito con elas!! Coma sempre, estarei encantado de recibir as vosas fotografías e vídeos 📷

Unha aperta virtual,

ESTAMOS DE PARABÉNS

🏆O noso centro está de parabéns🏆

Vimos de ser premiados/as na categoría A (Educación Infantil) do VII Premio Concepción Arenal a Proxectos Educativos pola Igualdade de Xénero da Deputación de A Coruña 👏👏 O noso traballo titúlase "Baixo a mesma carpa de crochet".

REMATAMOS A SEMANA EMOCIONANTE

Esta semana, desenvolvemos a SEMANA EMOCIONANTE 😀😂😌😍😓😖😡😨😵 onde levamos a cabo numerosas actividades e xogos de educación emocional. Queredes ver como se implicaron os nosos nenos e nenas?

Un saúdo para todas e todos e boas vacacións. Coidádevos moito!!

RECITAL DE POEMAS DE XELA ARIAS

O pasado 21 de marzo celebrouse o Día da Poesía. É por isto que fixemos unha selección de poemas de Xela Arias para que cada aula recitase un. Queredes ver que ben o fixeron os nosos raparigos e raparigas? 😍😍

ALUMNADO 6.º B EDUCACIÓN PRIMARIA

ALUMNADO 6.º A EDUCACIÓN PRIMARIA

ALUMNADO 5.º EDUCACIÓN PRIMARIA

ALUMNADO 4.º EDUCACIÓN PRIMARIA

ALUMNADO 3.º EDUCACIÓN PRIMARIA

ALUMNADO 2.º EDUCACIÓN PRIMARIA

ALUMNADO 1.º EDUCACIÓN PRIMARIA

ALUMNADO 6.º EDUCACIÓN INFANTIL

ALUMNADO 5.º EDUCACIÓN INFANTIL

ALUMNADO 4.º EDUCACIÓN INFANTIL

Moitos parabéns a todos e a todas!! Moitas grazas por participar 👏👏

Un afectuoso saúdo,

PASAMOS DE FASE NO ECOPREGUNTOIRO

Hoxe o xornal La Voz de Galicia tráenos unha boa nova. As nenas e nenos de 6.º de Educación Primaria pasaron de fase no Ecopreguntoiro. Moitos parabéns!!!! 👏👏 Estou moi orgulloso de vós 😍😍

Velaquí tedes a ligazón ao xornal:

https://www.lavozdegalicia.es/noticia/carballo/carballo/2021/03/29/span-langgladiante-equipo-do-colexio-carballo-span/0003_202103C29C4993.htm

Unha aperta,

SEMANA EMOCIONANTE

Dende o luns 22 ao venres 26 de marzo desenvolveremos a SEMANA EMOCIONANTE. Igual que o fixemos noutra ocasión, cada día escanearedes un código QR e levaredes a cabo o reto proposto. Estades preparados/as para comezar? Imos aló!

Velaquí tedes o cartel cos diferentes códigos. Como veredes, xa vos enviei un impreso ás aulas.

CURTAMETRAXES SEMANA EMOCIONANTE

Apetécevos ver algunha curtametraxes sobre as emocións? Velaquí tedes algunhas moi interesantes 😊

La oveja esquilada

Cuestión de actitud

El valor de la empatía

DÍA 1 SEMANA EMOCIONANTE

Hoxe comezamos a semana emocionante!! Estades preparados e preparadas para o reto de hoxe? Vouvos explicar:

PARA O ALUMNADO DE EDUCACIÓN INFANTIL

O voso reto é unha exposición de fotografías. Empregando pratos de cartón cortados á metade, debuxaredes neles diferentes expresións da boca: alegría, tristeza, enfado... Unha vez feitos, usarédelos para fotografar a vosa cara con eles diante. Vós unicamente debedes expresar esa emoción cos ollos.

PARA O ALUMNADO DE EDUCACIÓN PRIMARIA

O voso reto consiste en elaborar un dicionario de emocións onde consten as seguintes:

• Alegría.
• Medo.
• Tristeza.
• Enfado.
• Calma.
• Sorpresa.
• Asco.

Como o ides facer? A parte gráfica corresponde ao alumnado de 4.º e 5.º de Eduación Infantil pois será o encargado de fotografarse expresando ditas emocións. Xunto ás fotografías, escribiredes a emoción correspondente, así como tamén a súa definición; por unha banda, o que significa para vós e, por outra, a que recolle o dicionario.

Cada curso realizará o seu propio dicionario para que, dende agora, forme parte da vosa biblioteca de aula.

Velaquí tedes as imaxes das emocións:

Moito ánimo coas propostas!! E lembrade, coma sempre, compartir o proceso e o resultado enviando fotos ao correo da biblioteca.

DÍA 4 SEMANA EMOCIONANTE

Benvidos e benvidas a un xoves emocionante!! Xa case está a rematar a semana así que as propostas de hoxe son moi divertidas.

REFLEXIÓN SOBRE VÍDEOS

A primeira proposta consiste en ver os seguintes vídeos e reflexionar sobre eles. Podedes axudarvos das seguintes preguntas:

• Que lle acontece á persoa que vai na bicicleta?
• Que pode estar sentindo?

Como vedes, no que sentimos moitas veces inflúen factores ambientais e externos a nós. Nun dos vídeos a música fainos pensar que a persoa que vai en bicicleta sinte medo e que lle vai acontecer algo malo. No outro, semella que lle vai ocorrer algo gracioso.

MEMORY

Imos xogar cun memory e, neste caso, van existir dous con diferentes graos de dificultade. Por unha banda, para o alumnado de Educación Infantil e 1.º de Educación Primaria, teredes que asociar pictogramas de cada emoción. Por outra, o resto de cursos de Educación Primaria, agruparedes as tarxetas que conteñen a emoción con aquelas que inclúen as súas definicións.

Estes días estiven a traballar moito para ter os memories preparados. Xa os tedes á vosa disposición nas aulas.

Un bico virtual,