Bo día amigos e amigas dos libros!! Que tal estades? Hoxe é o último día desta semana pois mañá é festivo. Aquí estou un xoves máis para traervos un poema. Neste caso un titulado "A casa" e que pertence ao libro titulado O libro dos bicos de Xosé Luna Sanmartín.
A CASA
A casa é de amorodo.
A herba de papel.
A neve, algodón branco.
O bico, de mel.
A casa é de chocolate.
O campo de Van Gogh.
De fina seda, o río.
O bico de turrón.
A casa é de cereixas.
A aldea un primor.
O bico pousase paseniño.
Os soños ... soños son.
A casa é de canela.
De aloumiños, o corazón.
Os bicos de
cariño.
E o amor, de laranxa – limón.
Quen se anima a ilustrar o poema?? Enviádenos fotos e pendurareinas no blog. Estou desexando velas 😍😍
Un saudiño e boa ponte,
Fidalgo.
Ningún comentario:
Publicar un comentario