Sabiades que onte o noso colexio salíu na TVG?? Pois sii, o alumnado de 6.º de Educación Infantil e dúas mestras foron convidadas/os a participar no programa "Quen anda aí?" para falar do premio acadado no concurso "Nós tamén creamos!".
Queredes ver a súa aparición na tele? Velaquí vos deixo un vídeo:
Éncheme de orgullo que a nosa rapazada se implicase tanto na adaptación do conto 💓 E a vós, familias, millóns de grazas por achegar onte á tarde ao colexio a todos os actores e actrices para poder participar nesta proposta. Millóns de grazas!! 😍
Hoxe estou moi ledo. O alumnado de Educación Infantil resultou premiado no concurso "Nós tamén creamos!" na categoría 1 coa curtametraxe titulada "Mariluz avestruz". Moitos parabéns!! 👏👏
Velaquí vos deixo a CURTAMETRAXE:
Aquí tedes o making off para saber COMO O FIXERON:
Tamén podedes ver a nosa curtametraxe na páxina da CRTVG:
Moitos parabéns a todos e a todas as participantes, aos gañadores/as e, en especial, ao noso alumnado de 6.º de Educación Infantil 😍 Convidámosvos a ver tamén as curtametraxes premiadas nas outras categorías, unha delas feita polos nosos veciños/as do colexio da Laracha.
Agora déixovos unhas ligazóns onde se fala do premio que recibimos 🎁
Resolución do concurso no Portal da Lingua Galega:
Ola raparigos e raparigas!! Como estades? Que tal levades estes días de temporal? Agardo que vos esteades coidando moito!! Hoxe veño para contarvos que, dende o luns 25 ao venres 29 deste mes, imos celebrar o Día Escolar da Non Violencia e a Paz.
En cada clase recibiredes un folio como o que vos vou presentar a continuación. Como vedes, conta con diferentes códigos QR que, cada día, debedes escanear e realizar a proposta. Recordade que podedes adaptalas aos vosos ritmos e tarefas, é dicir, se algún día non podedes facelas polo motivo que sexa, podedes facelas ao seguinte. Agardo que vos gusten 😀
Ademais, na entrada do colexio hai unha exposición de libros sobre a temática. Velaquí vos deixo os seus títulos.
Xa remata esta semana e, con ela, a celebración desta conmemoración. Hoxe propóñovos a reflexión sobre algúns cadros de Banski. Podedes escoller un, dous ou facelos todos, vós decidides.
Primeiramente, imos facer unha chamada á calma onde, tranquilamente, comezaredes por observar os seguintes cadros sen comentar nada.
CADRO 1
CADRO 2
Agora, ímonos guiar polas seguintes preguntas baseadas na Filosofía para Nenos:
Que vedes na imaxe?
Que está pasando?
Que pensas que tapa a pegatina branca en cada un dos cadros?
Agora buscade o cadro orixinal para ver que está agochado na zona branca. Unha vez observedes o cadro completo e, coa axuda do voso mestre ou mestra, reflexionade sobre o cadro completo.
Agora, como última actividade, acudide ao patio no horario sinalado e sacade unha foto co muro da paz. Xunto a el, no chan, podedes escribir algunha palabra significativa. Estou desexando ver as vosas fotos 😀
Benvidos e benvidas un día máis ás propostas de celebración do Día Escolar da Non Violencia e a Paz. Hoxe imos facer unha botella da calma. Sabedes o que é? Tedes algunha na vosa clase?
Velaquí vos deixo algunhas ideas para que poidades facer a vosa:
Na seguinte ligazón, podedes acceder a unha páxina onde se explica como facela paso a paso:
Que tal estades raparigos e raparigas? Xa chegamos ao ecuador da semana e hoxe tráiovos unha proposta artística. Queredes saber de que se trata?
O venres, imos facer un muro e, para iso, precisamos construír uns ladrillos con caixas. Como veredes, as vosas mestras e mestres entregaranvos unha caixa de cartón e un folio coa palabra paz en diferentes idiomas que debedes decorar. Unha vez a tedes lista, pegarédela na caixa.
Cada aula elaborará un ladrillo e, o venres, imos construír con eles un muro co que sacaremos unha foto. Isto farese no patio exterior se o tempo o permite, senón no hall da entrada.
Benvidos e benvidas!! As propostas de hoxe están baseadas na calma e imos facer unha chamada á tranquilidade. Partimos da idea de que a paz parte dun mesmo e só así poderemos resolver da mellor forma posible os conflitos que nos xurdan.
Velaquí vos deixo varias propostas. Podedes facelas todas ou escoller a que máis vos guste.
QUE SE NOS ACABAN AS PILAS!!
O obxectivo deste xogo é pasar da tensión e a actividade á relaxación e á tranquilidade. Debedes facer movementos co corpo segundo as indicacións que se vos dan.
A vosa mestra ou mestre diravos o seguinte💬: imos xogar a un xogo, imos ser robots que funcionan con pilas. Primeiro, teremos as pilas novas e podemos xogar e correr con rapidez. Teredes que correr libremente dun lado ao outro da aula ou dar voltas o máis rápido que poidades.
Despois diranvos: "xa se gastou unha parte das pilas, así que agora só podedes correr máis lento. A ver como diminuides a velocidade".
Continuarase con diferentes ordes similares a esta ata que se diminúa máis a velocidade. Despois dun cachiño, o mestre/a diravos que as pilas están pola metade, que non poden correr e que só podedes camiñar.
Despois diráselle: "as pilas estanse acabando e cada vez cústanos máis movernos. Cada vez movémonos máis amodo... máis amodo... máis amodo. Cada paso que damos cústanos moito máis, estamos esgotando toda a enerxía das nosas pilas e imos quedar deitados no chan un anaco".
Agora que xa estades ben relaxadiños/as, podedes levantarvos. Seguro que xa vos atopades en calma 🙇
IOGA
Agora que xa movestes o voso corpiño, é momento de relaxarse e volver á calma. Déixovos un vídeo de ioga coas posturas dos animais.
Se vos animades a seguir facendo ioga, buscade en Youtube "Alba Ermida Ioga" e atoparedes diferentes vídeos en galego.
A POMBA DE PAPEL
Imos facer unha pomba de papel, un barco ou calquera outra figura que saibades. Pintádeo e decorádeo ao voso gusto.
Como facer unha pomba de papel?
Como facer un barco de papel?
Agora que xa o tedes listo, deitádevos no chan boca arriba e colocade a pomba/barco na vosa barriga. Inspirade e expirade, veredes como se moven. Repetide isto varias veces ata que consigades estar ben relaxados e relaxadas.
Agora que xa estades tranquiliños, podedes continuar a xornada 😊 Lembrade que podedes recurrir a este tipo de propostas cando vos atopedes axitados.
Hoxe damos comezo ás propostas para a celebración do Día Escolar da Non Violencia e a Paz e, neste caso, está relacionada con Malala. Sabedes quen é?
Malala é unha muller que, de nena, viviu nun país en guerra onde, a pesar de todo, loitou polos seus propios dereitos. Fíxoo con tal valentía que gañou o Premio Nobel da Paz.
Existe un libro titulado O lapis máxico de Malala onde se conta a súa historia.
Agora anímovos a realizar un pequeno traballiño. Estades preparados/as?
PARA AS NENAS E NENOS DE EDUCACIÓN INFANTIL, 1.º E 2.º EDUCACIÓN PRIMARIA
PARA AS NENAS E NENOS DE 3.º, 4.º, 5.º E 6.º DE EDUCACIÓN PRIMARIA
Despois de coñecer a historia de Malala, intentade escribir unha historia na que a paz sexa a protagonista.
Moito ánimo!! Seguro que facedes unhas creacións preciosas 😍 Enviade foto das vosas producións ao correo da biblioteca para poder compartilas no blog 📷 Tamén podedes facer algún vídeo lendo as vosas historias 👏
