ACTIVIDADES INGLÉS 6º PRIMARIA

Bo día!! O profe César envía estas tarefas de inglés para o alumnado de 6º de Educación Primaria. Moito ánimo!!

CURTAMETRAXE SOBRE A TOLERANCIA E TOUR VIRTUAL POR UNHA BIBLIOTECA

Bo venres lectoras e lectores, amiguiños e amiguiñas miñas 😊 Ai.. que rápido pasan as semanas, non si? Hoxe veño recomendarvos unha curtametraxe titulada "Ejemplo de tolerancia", un valor moi importante.

Como agora veñen por diante dous días de descanso, déixovos tamén un tour virtual pola Biblioteca do Congreso de Estados Unidos.

Agora si, boa fin de semana a todos e a todas.
Fidalgo.

POEMA "A LA PRIMAVERA"

Bo día lectores e lectoras do San Luís Romero!! 😀😊 Hoxe é xoves poético e tráiovos un poema de Gloria Fuertes titulado "A la primavera".

—Tío Pío,

en el cole me han pedido

que escriba una poesía

a la prima primavera.

¿Tú quieres que te la lea,

y me dices lo que opinas?

—Sí, sobrina.

Se oye un pío, pío,

junto a la orilla del río.

¡Oh!, cosa maravillosa,

los árboles tienen hojas,

las mariposas tienen ojos,

las ristra tiene ajos.

Junto a la orilla del río

todo es belleza y sonrío,

se oye un pío, pío, pío.

La primavera ha venido

y yo la he reconocido,

por el pío, pío, pío.

— ¿Qué te ha parecido, tío?

—Demasiado pío, pío.

Alguén se anima a enviarnos un vídeo recitando o poema❓❔ Veña, veña, estou desexando escoitarvos 👂👂

Agardo que teñades bo día,

Fidalgo.

O MEU XORNAL

Bo mércores!! Que tal estades lectores e lectoras? 📚 Lembraredes que, antes do parón que fixemos para repasar a vida e obra de Ricardo Carvalho Calero, cada día dedicabámolo a unha actividade diferente. Os mércores é día de artistadas e hoxe imos facer un xornal. Se estades listos, explícovos 💬

Ides confeccionar o xornal do voso propio "Eu" que reflicta o que é importante para vós no voso día a día. Como ides facelo? Pois do seguinte xeito. Estade ben atentos e atentas 👀

Elaboraredes cada sección do xornal redactando artigos, facendo caricaturas ou escribindo crónicas parecidas ás que se atopan nun xornal. Podedes incluír a seguinte lista de seccións:

📌 O logotipo. Cal será o nome ou distintivo do xornal?

📌 As novas. Relatos do que vos está a ocorrer ou do que vos ocorreu estes días.

📌 Os artigos. Pasatempos, libros, películas ou programas de televisión que vos gustan ou non.

📌 Humor. Que cousas vos resultaron divertidas ultimamente? Podedes presentalas en forma de tira cómica.

📌 Deportes. Que xogos ou deportes vos gustan máis?

📌 Sección de anuncios. Que che gustaría vender ou mercar?, que perdeches ou atopaches e queres devolver ao seu dono/a?...

Déixovos a ligazón ao xornal La Voz de Galicia en formato dixital por se queredes ollar algunha nova ou coller ideas.

Bo mércores,

Fidalgo.

LETRAS GALEGAS 2020 - PARTE X

Bo martes lectores e lectoras!! Chegamos á fin da celebración destas Letras Galegas 2020. Hoxe é a quenda do último cartel, o titulado "Continuando o camiño".

Agora que xa coñecedes os dez carteis, imos facer unha actividade da guía que consiste en localizar os intrusos. Estades preparados/as?? Tedes que localizar os elementos que non están nos carteis orixinais. Só hai un intruso por cartel 👀

Animádevos a compartir connosco os intrusos que atopastes!! 👀 Podedes escribilos nos comentarios ou enviárnolos ao correo 📧


Antes de rematar, déixovos outra aportación dos Fedelleir@s do San Luís. Mirade que preciosidade de vídeo 😍😍

-----------------------------------

E isto é todo para celebrar estas Letras Galegas tan especiais. Remata aquí a andaina polo material que elaboramos no noso centro baixo o título Recordando Carvalho Calero e que resultou galardoado este ano. Agradecer a todos os centros que o empregastes para traballar a figura deste autor e que fixestes referencia a el tanto nas vosas páxinas web como blogs. Agardamos que fose do voso interese e vos resultase útil. Sen lugar a dúbidas foi feito con moito cariño 💕

Un saúdo,
Fidalgo.

ACTIVIDADES 6.º EDUCACIÓN PRIMARIA

Bo día!! O profe Jose envía estas tarefas para o alumnado de 6º de Educación Primaria correspondentes á semana do 25 ao 29 de Maio. 

Moito ánimo!!

Tarefas

LETRAS GALEGAS 2020 - PARTE IX

Bo luns!! Que tal estades? Todo en orde?? Agardo que si 😀 Esta semana recibín unha moi grata sorpresa. Traballiños vosos sobre o autor homenaxeado nestas Letras Galegas.

O voso compañeiro Mateo de 3.º de Educación Primaria quixo compartir un videopoema. Parabéns Mateo e moitas grazas por compartilo con nós!! 💓

Caricaturas de don Ricardo feitas polos Fedelleir@s do San Luís, é dicir, o alumnado de 3.º e 4.º de Educación Primaria. Que artistas!! 😍

Diferentes traballiños do alumnado de Educación Infantil. Velaquí vos deixo algunhas fotos, fixérono xenial 😍

Iniciais de Ricardo Carvalho Calero

Manualidade dunha pita logo de escoitar o conto As pitas baixo a choiva

Realizaron acrósticos coma os do cartel 6

Debuxaron a don Ricardo con máscara, como é propio dos tempos de pandemia

Agora damos paso ao cartel 8 da exposición Recordando Carvalho Calero. Titúlase "Obra inmensa".

E agora unhas preguntiñas para saber que atentos estivestes:

📚 Escribe os títulos das obras que aparecen recollidas no cartel.

✏ Que tipo de xéneros literarios escribiu Ricardo Carvalho Calero?

📙 Encima da mesa aparece un libro aberto. Como se titula o poema que se pode ler nel? Quen o escribiu?

Alguén se anima cunha actividade interactiva? Velaquí tedes unha feita polo CEIP Plurilingüe A Cristina de aquí de Carballo. Premede na seguinte ligazón e poderedes xogar dende o ordenador, a tablet ou o móbil: https://view.genial.ly/5eb3e12c8058270d1d1956f4

Como no cartel aparece reflectida a visión dende unha ventá, antes de marchar  quero deixarvos un audioconto titulado Ventanas de Carmen Queralt.

Un saúdo e bo comezo de semana,
Fidalgo.

LETRAS GALEGAS 2020 - PARTE VIII

Venres!! Hoxe é venres!! Remata a semana e veñen por diante dous días para descansar 😊 Pero antes, temos que darlle un repasiño ao cartel 8.

Agora unha proposta artística. O edificio do cartel non vos lembra á iniciativa "Derribando muros" do Concello de Carballo?? Anímovos a que debuxedes cada un a vosa casa e que, na súa parede, fagades un debuxo dun mural que vos gustaría ter nela. Podedes tamén debuxar a silueta dunha persoa importante para vós.

Animádesvos?? Encantaríame recibir moitas fotos 📷📷

------------------------------

Antes de marchar, gustaríame deixarvos unha curtametraxe titulada El valor de la empatía.

Boa fin de semana,

Fidalgo.

LETRAS GALEGAS 2020 - PARTE VII

Bo día!! Un día máis desta semana é un día menos para que remate. Que tal estades? Como van eses ánimos?? Agardo que ben, eu aquí moi fresquiño entre as herbiñas 🌱🌲🌳🌲🌱

Hoxe vouvos presentar o cartel 7, estades preparados/as??

Quen se anima a recrear a plástica deste cartel? Veña veña!! Estou agardando ver as vosas artistadas 📼📼

Un saudiño,

Fidalgo.

LETRAS GALEGAS 2020 - PARTE VI

Bo día meus amiguiños e amiguiñas!! Fidalgo á fala un día máis. Xa pasamos o ecuador dos carteis das Letras Galegas, xa poucos quedan para rematar o repaso que lle estamos facendo á vida e obra de Ricardo Carvalho Calero.

Hoxe é a quenda do cartel 6 titulado "Membro da RAG".

Velaquí a súa imaxe interactiva para que poidades ampliar información.

Agora que xa tedes moitísima información sobre este cartel, vou averiguar se estivestes moi atentos 👀

👉 En que ano ingresou don Ricardo na Real Academia Galega?
👉 Que institución elixe a persoa á que se lle dedica cada ano o Día das Letras Galegas?
👉 Que edificio é o que aparece debuxado neste cartel?
👉 Quen respondeu ao discurso de ingreso de Ricardo Carvalho Calero na RAG?
👉 En que institución foron compañeiros don Ricardo e Ramón Otero Pedrayo?

Moi ben a todos e a todas, fixéstelo xenial 😀 iso é que estivestes ben atentos 💪

----------------------------------------------

Gustaríame que visitásedes o blog "Fedelleir@s do San Luís" dos vosos compañeiros e compañeiras de 3.º e 4.º de Educación Primaria que fixeron un vídeo onde ilustran e contan o libro As pitas baixo a choiva. Parabéns 💓

Podedes acceder a el a través da seguinte ligazón:

https://fedelleirosdosanluis.blogspot.com/2020/05/as-pitas-baixo-choiva-polos-fedelleirs.html

Deica mañá.
Fidalgo.

LETRAS GALEGAS 2020 - PARTE V

Bo martes a todos e todas!! Día solleiro, non si? Da gusto 🌞 Hoxe é a quenda do cartel 5 da exposición Recordando Carvalho Calero. Aí vai:

Coma en todos os carteis, lembrade o seguinte.

• Hai un vídeo coa súa lectura:

https://recordandocarvalhocalero.blogspot.com/2020/04/lectura-cartel-5.html

• Podedes ampliar a súa información accedendo á imaxe interactiva:

https://recordandocarvalhocalero.blogspot.com/2020/04/imaxe-interactiva-cartel-5.html

Sabedes o motivo das pitas no cartel? Vouvos explicar. A súa simboloxía refírese a un libro que escribiu Don Ricardo e que titulou As pitas baixo a choiva. Coñecédelo? Déixovolo aquí para que o poidades ler:

Por se preferides escoitalo, velaquí tedes este audiolibro:

Gozade do material,

Fidalgo.

TAREFAS INGLÉS 6º EDUCACIÓN PRIMARIA

Bo día!! O profe César envía estas tarefas de Inglés para o alumnado de 6º de Educación Primaria. Moito ánimo!!

Bos días:

A) Imos facer un collage, que consiste en coller unha foto (mellor en color) dunha revista ou periódico, por exemplo, e engadirlle a cara, os brazos, pernas, etc…ou calquera outro detalle (un gorro, gafas, unha ferramenta…) doutra persoa para facelo gracioso; tamén podedes poñerlle a vosa cara cunha foto tipo carnet, se queredes. Podedes colgalas na blog cando rematedes e, canto máis ridícula, mellor.

Logo, a parte de inglés consiste en escribir información básica sobre a persoa, criatura ou mounstro que creáchedes.

Para iso usaremos as frases básicas do outro día.

Por exemplo, podedes inventar un nome e poñer:

Hello, my name is Frankristopher, I´m ten years old, I´m short and I like cars…

Debedes escribir, mínimo, sete frases curtas e, coma sempre, se necesitades axuda primero pensade ben o que queredes decir, confiade en vos e usade a cabeciña  e máis o diccionario ou o traductor, se é necesario.

A ver quen fai o ser máis divertido, vale?.

Ao final vos mando varios exemplos, espero que vos gusten:

B) Ademáis debedes facer as dúas fichas que vos envío, ben sinxelas (unha delas é, precisamente, para repasar a información que debedes usar no collage).

Non esquezades que tedes acceso os libros dixitais, onde podedes facer as actividades que queirades e que inclúen as despostas para que podades comprobar os resultados.

Xa aceptei a aqueles de vos que se apuntaron, pero cabemos todos!.

E non deixedes de visitar as páxinas dos xogos, que algún de vos xa me enviou algún vídeo xogando e, dende logo, ben divertido é…

ACTIVIDADES 6.º EDUCACIÓN PRIMARIA

Bo día!! O profe Jose envía estas tarefas para o alumnado de 6º de Educación Primaria correspondentes á semana do 18 ao 22 de Maio. 

Moito ánimo!!

Tarefas

LETRAS GALEGAS 2020 - PARTE IV

Bo día!! Onte, 17 de maio, foi o día grande, o DÍA DAS LETRAS GALEGAS. Comeza unha nova semana e, con ela, continuamos camiñando polos dez carteis da exposición Recordando Carvalho Calero. Estades listos? Pois... arrincamos!! 🚀

Hoxe facemos unha parada no cartel 4 titulado "Privado de liberdade". Se premedes nel podedes acceder a un vídeo sobre a súa lectura.

Agora imos facer unha reflexión guiada sobre el:

😥 Que vos transmite? Tristeza, alegría...

⛔ Que lle aconteceu nesa época a don Ricardo?

💭 Credes que nesta época don Ricardo tiña pensamentos positivos ou negativos?

Ahh!! Que queredes saber máis deste cartel?? Accedede á seguinte ligazón e atoparedes unha imaxe interactiva na que, pinchando nas diferentes mans de cor lila, teredes máis información:

https://recordandocarvalhocalero.blogspot.com/2020/04/imaxe-interactiva-cartel-4.html

Agardo que vos gustase.

Fidalgo.

17 DE MAIO: DÍA DAS LETRAS GALEGAS

Hoxe é 17 de maio, o gran día, o Día das Letras Galegas. Como sabedes, este ano dedícaselle a Ricardo Carvalho Calero. Velaquí vos deixamos unha presentación sobre a súa vida e obra e dúas actividades interactivas para comprobar canto sabedes del. Animádesvos? 💪💪

XOGO INTERACTIVO "QUEN DI A VERDADE?"

XOGO INTERACTIVO "QUE SABEMOS SOBRE RICARDO CARVALHO CALERO?"

Todo este material foi feito no cole. Agardamos que vos guste 😀

LETRAS GALEGAS 2020 - PARTE III E DÍA DA FAMILIA

Bo venres a todos e a todas!! Chegamos ao final desta semana pero non queremos rematala sen amosarvos o cartel 3 da exposición Recordando Carvalho Calero.

Fixástesvos que en cada un dos carteis hai dous códigos QR? Para acceder á información que conteñen cómpre descargar no voso móbil ou tablet un lector de códigos QR. Unha vez o tedes instalado, enfocádelos coa cámara e... listo!! Xa vos leva á páxina correspondente 😊

Por se vos é máis sinxelo, déixovos a ligazón que inclúen os códigos deste cartel:

• Unha imaxe interactiva onde podedes ampliar información do cartel pinchando nos dedos que aparecen de cor lila: https://recordandocarvalhocalero.blogspot.com/2020/04/imaxe-interactiva-cartel-3.html 
• Un vídeo sobre a lectura do seu texto: https://recordandocarvalhocalero.blogspot.com/2020/04/lectura-cartel-3.html

Descubrirades isto nos dous anteriores??

Agora unhas preguntiñas de comprensión deste cartel para comprobar que estivestes moi atentos/as á súa lectura:

✨Con que persoas importantes estivo en contacto don Ricardo?

✨Cales son as súas facetas profesionais?

✨Indica tres adxectivos que o definen.

------------------------------------------------------------

Como sabedes, hoxe 15 de maio, celébrase o Día da Familia 💓 As nenas e nenos do CEIP Xesús San Luís Romero temos preparada para vós unha pequena sorpresa, agardamos que vos guste. Estade atentas 👀

Queremos mandarvos unha mensaxe de agradecemento polo inmeso traballo que estades a facer en momentos tan difíciles coma estes, sen vós nada disto sería posible 😍

Agora, deixámosvos unha serie de libros que tratan sobre a diversidade familiar 🌈 Pinchade nas imaxes para acceder aos contos e vídeos. Agardamos que gocedes da súa lectura 😊

El libro de familia

Familias. La mía, la tuya y la de los demás

Mi familia y algunas otras

Familias por Oh! Mami Blue

La mejor familia del mundo

Un puñado de botones

Nicolás tiene dos papás

“Hai tantas familias como formas de amar” Oh! Mami Blue

Boa fin de semana,

Fidalgo.

LETRAS GALEGAS 2020- PARTE II

Bo día amiguiños e amiguiñas!! Aquí estamos no segundo día sobre o traballo de Ricardo Carvalho Calero. Que tal vos resultou a proposta de onte?? Lendo a súa biografía, que datos novos aprendestes sobre este autor?

Hoxe preséntovos o cartel 2.

Agora convídovos a realizar unha proposta que se atopa no Portal da Lingua Galega. Velaquí está explicado o que hai que facer.

Quen se anima co reto #unpoemadecarvalho?? 💪💪 Na guía tedes diferentes poemas. Premede na seguinte ligazón que vos levará á entrada onde está publicado todo o material: http://equipobibliosaluis.blogspot.com/2020/05/semana-das-letras-galegas-2020.html Enviádenos os vosos videopoemas e publicareinos no blog, que ilusión!! 😍

-------------------------------------------------------------------------------------------------------------------------------------------------------------------

Os que non enviastes o vídeo para o Día da Familia, tedes ata o mediodía para facelo. Agardamos algúns máis 😀 Animádevos!!

Un saúdo amiguiños e amiguiñas,

Fidalgo.